महानगरले फोड्यो विद्यालयमा लागेको ताला

नयाँ विकल्प संवाददाता
प्रकाशित मिती: २०८० जेष्ठ ३०, १५: ११

काठमाडौँ । काठमाडौँ महानगरपालिकाले विद्यार्थी सङ्गठनले तीन वटा विद्यालयमा लगाएको ताला फोडेको छ ।

काठमाडौँको संस्कृत माध्यामिक विद्यालय, वृहस्पति माध्यामिक विद्यालय र युलेन्स स्कुलमा विद्यार्थी सङ्गठनले लगाएको ताला महानगरले फोडेको हो । छात्रवृत्ति विवरण, शुल्क स्वीकृति विवरण, कर्मचारीको पारिश्रमिक विवरण लगायतका माग राखेर अनेरास्ववियु (क्रान्तिकारी) काठमाडौँ जिल्ला समितिले आइतबार ती विद्यालयहरूमा ताला लगाएको थियो ।

महानगरका मेयर बालेन साहले बालबालिका पढ्ने ठाउँमा ताला लगाउनु अपराध भएको भन्दै ताला फोड्न निर्देशन दिएका थिए ।

मेयर साहले सामाजिक सञ्जालमा लेखेका छन्, ‘चाहे विद्यालय सरकारी होस् वा निजी, हामी विद्यालयमा राजनीति गर्ने कुरा कल्पनासम्म गर्न सक्दैनौँ।’

सम्बन्धित समाचार

भारतको सहयोगमा खाम्लालुङ स्वास्थ्य चौकी शिलान्यास

२०८० जेष्ठ ३०, १५: ११

काठमाडौं : नेपाल–भारत विकास सहकार्य’अन्तर्गत भारत सरकारको सहयोगमा तेह्रथुमको आठराई गाउँपालिकामा खाम्लालुङ स्वास्थ्य चौकी भवनको शिलान्यास गरिएको छ। शुक्रबार तेह्रथुम...