नेप्सेमा हरियाली, १ अर्ब ५१ करोडमाथिको कारोबार

नयाँ विकल्प संवाददाता
प्रकाशित मिती: २०८० भाद्र २५, १५: ३६

काठमाडौं । नेप्सेमा साताको कारोबारको दोस्रो दिन सोमबार हरियाली छाएको छ । आज नेप्से ४४.३० अंकले बढेर एक हजार ९ सय ८६ दशमलब ९९ विन्दुमा बन्द भएको हो ।

आज कारोबार रकममा पनि वृद्धि भएको छ । आज एक अर्ब ५१ करोड ८३ लाख रुपैयाँ बराबरको कारोबार भएको छ ।

नेप्सेका अनुसार सोमबार कारोबार भएका २१२ कम्पनीको शेयरमूल्य बढेको छ भने ११ कम्पनीकोे शेयरमूल्य घटेको छ । ५ वटा कम्पनीको शेयरमूल्य स्थिर रहेको छ । यसमध्ये पनि चार कम्पनीको शेयरमूल्यमा उच्च वृद्धि भएको छ ।

जसमा थ्रीस्टार हाइड्रोपावर कम्पनी, मेन्छियम हाइड्रोपावर लिमिटेड, मेलुङ खोला हाइड्रोपावर कम्पनी र सिद्धार्थ प्रिमियर इन्स्योरेन्स कम्पनी रहेका छन् । यी कम्पनीको शेयरमूल्य आज ९ प्रतिशत भन्दा बढीले बढेको छ ।

आज सिद्धार्थ इन्भेष्टमेन्ट ग्रोथ स्किम २ का कलगानीकर्ताहरुले सर्वाधिक गुमाएका छन् । यसको शेयरमूल्य आज ७।४३ प्रतिशतले घटेको छ ।

कारोबारको आधारमा आज सबैभन्दा बढी साल्ट ट्रेडिङ कर्पोरेशनको भएको छ । यस कम्पनीको आज ६ करोड २क५ लाख रुपैयाँ भन्दा बढीको कारोबार भएको नेप्सेले जनाएकाे छ ।