नेप्से परिसूचकमा दोहोरो अङ्कको वृद्धि – Naya Bikalpa
June 19, 2024, Wednesday

नेप्से परिसूचकमा दोहोरो अङ्कको वृद्धि


काठमाडौँ । नेपाल स्टक एक्सचेञ्ज परिसूचक आज दोहोरो अङ्कले बढेको छ । आजको कारोबारपछि परिसूचक १६ दशमलव २४ अङ्कले बढेर एक हजार नौ सय ८५ दशमलव ४३ अङ्कमा कायम भएको हो ।

नेप्सेका अनुसार विभिन्न कम्पनीका दुई सय ७२ कम्पनीको ४३ लाख ३६ हजार पाँच सय ८३ कित्ता शेयर ५० हजार दुई सय ९६ पटक खरिदबिक्री हुँदा रू एक अर्ब १७ करोड ६६ लाख ८० हजार सात सय ५७ बराबरको कारोबार भएको छ ।

होटल तथा पर्यटन र व्यापार समूहको उपसूचक घटेको छ भने अरु सबै समूहको उपसूचक बढेको छ । होटल समूहको उपसूचक शून्य दशमलव ०९ र व्यापार समूह शून्य दशमलव ९३ प्रतिशतले घटेको छ ।

सबैभन्दा धेरै जलविद्युत् समूहको उपसूचक तीन दशमलव २१ प्रतिशतले बढेको छ । बैंकिङ शून्य दशमलव ३२ प्रतिशत, विकास बैंक एक दशमलव ४८, वित्त एक दशमलव ९५ र लगानी समूहको उपसूचक शून्य दशमलव ७८ प्रतिशतले बढेको छ ।

त्यस्तै, जीवन बीमा शून्य दशमलव ३७, उत्पादन तथा प्रशोधन शून्य दशमलव ७४, लघुवित्त शून्य दशमलव ५१, म्युचुअल फन्ड शून्य दशमलव ११, निर्जीवन बीमा शून्य दशमलव ७६ र अन्य समूह शून्य दशमलव ११ प्रतिशतले बढेको छ ।

शुभम् पावर लिमिटेडको शेयर मूल्यमा आज सकारात्मक सर्किट लागेको छ भने थ्री स्टार हाइड्रोपावर लिमिटेडको शेयर मूल्य नौ दशमलव ९९ प्रतिशतले बढेको छ । शेयर मूल्य धेरै घट्ने कम्पनीमा इमर्जिङ नेपाल लिमिटेड छ । कम्पनीको शेयर मूल्य आठ प्रतिशतले घटेको छ ।

कारोबार रकम र कारोकार भएका शेयर सङ्ख्याका आधारमा आज सबैभन्दा धेरै रिलायवल नेपाल लाइफ इन्स्योरेन्स लिमिटेडको रू १० करोड ६४ लाख ४३ हजार छ सय ९१ बराबरको दुई लाख २० हजार ५६ कित्ता शेयर किनबेच भएको छ ।

सम्बन्धित समाचार

संघीय संसद्का कर्मचारीको मात्रै तलब बढाउन नसकिने अर्थ मन्त्रालयको अडान
संघीय संसद्का कर्मचारीको मात्रै तलब बढाउन नसकिने अर्थ मन्त्रालयको अडान
  • २०८० आश्विन २, १७: १४

काठमाडौं। संघीय संसद् सचिवालयका कर्मचारीहरू तलब वृद्धि र कार्यालय समयभन्दा बढी समय काम गर्दाको भत्ता माग गरेर आन्दोलन गरिरहे पनि...

नर्वेद्वारा द्वन्द्वग्रस्त मुलुक युक्रेनलाई पूर्वाधारमा  १० करोड ३० लाख डलर सहयोग गर्ने घोषणा
नर्वेद्वारा द्वन्द्वग्रस्त मुलुक युक्रेनलाई पूर्वाधारमा १० करोड ३० लाख डलर सहयोग गर्ने घोषणा
  • २०८० आश्विन २, १७: १४

ओस्लो। युरोपेली मुलुक नर्वेले युक्रेनको ऊर्जा पूर्वाधारको मर्मत सम्भार गर्न १० करोड ३० लाख डलर सहयोग गर्ने भएको छ। नर्वेले...

पेट्रोलमा ३ रुपैयाँ, मट्टितेल र डिजेलमा १ रुपैयाँ प्रतिलिट मुल्य घट्यो
पेट्रोलमा ३ रुपैयाँ, मट्टितेल र डिजेलमा १ रुपैयाँ प्रतिलिट मुल्य घट्यो
  • २०८० आश्विन २, १७: १४

काठमाडौं। नेपाल आयल निगमले पेट्रोलियम पदार्थको मुल्य घटाएको छ। आइतबारदेखि लागू हुने गरी पेट्रोल, डिजेल र मट्टितेलको मूल्य घटाएको हो।...