- अनामनगर काठमाडौँ
- infobikalpa21@gmail.com
December 14, 2024, Saturday
येँ : उपराष्ट्रपति रामसहायप्रसाद यादवयात नेपालया निंतिं थाइल्याण्डया राजदूत सुवापोङ्ग सिरिसोर्नं लैनचौरय् उपराष्ट्रपतिया ज्याकुथिइ थौं नापलानादीगु दु ।
वयकःपिनि दथुइ निगू देय्दथुइ स्वापू व सहकार्य, पर्यटन, व्यापार लागाय् लगानी च्वन्ह्याकेगु विषयकय् खँल्हाबल्हा जूगु धकाः उपराष्ट्रपतिया ज्याकुथिं धाःगु दु ।
उपराष्ट्रपति यादवं नेपाल व थाइल्याण्डदथुइ कूटनीतिक स्वापू नीस्वनेधुंका च्वन्ह्यागु द्विपक्षीय स्वापूयात निगू देय्या मंकाः तजिलजि व धर्मं चिनातःगु धयादिल । “बुद्ध धर्मं निगू देय् व जनता दथुइया मित्रता व ग्वाहालिया निंतिं क्वातूगु स्वापू दयेकूगु दु”, वय्कलं धयादिल, “थी थी लागाय् व अन्तर्राष्ट्रिय फोरमया निगू देय्या क्वातूगु ग्वाहालि व समान विचाः दयाः लय्ता व ।”
थाइल्याण्ड इन्टरनेशनल डेभलपमेन्ट कोअपरेसन एजेन्सीअन्तर्गत नेपाःया मानवसंशाधन विकासया लागाय् बियातःगु ग्वाहालि नापं स्नातकोत्तर तगिंया थी थी विषयकय् छात्रवृत्ति बियातःगुली नं उपराष्ट्रपति यादवं थाइल्याण्ड सरकारयात च्वछायादिल । वय्कलं नेपाली ब्वनामितय्त छात्रवृत्ति व सरकारी अधिकारीतय्त न्हियान्हिथं तालिमया व्हताः बियाच्वंगुलिइ नं थाई सरकारयात सुभाय् बियादिल ।
उपराष्ट्रपति यादवं सांस्कृतिक कालबिल, पर्यटन व कासा, कृषि व पशुपालन विकास, विश्वविद्यालय, बन्जाः समुदायतय् दथुइ सहकार्यलगायत थी थी विषयकय् आः वइगु मार्च २०२५ य् जुइगु ‘बिम्स्टेक’ शिखर सम्मेलनय् निगूपक्षीय सम्झौताय् ल्हाःचिं तयेगु प्रस्ताव याःगु खँ नं न्ह्यथनादिल ।
उपराष्ट्रपति यादवं सन् २०२६ य् नेपाः तसकं म्ह्वः विकसित राष्ट्रया धलखं थहाँवनाच्वंगु नापं सन् २०३० तक क्वातूगु विकासया आज्जु कयाः मध्यम आय दूगु देय् जुयेगु मूं प्राथमिकता दूगु धयादिल । नेपालया निंतिं थाइल्याण्डया राजदूत सिरिसोर्नं निगू देय्दथुइ जनस्तरय् स्याःन्याःगु स्वापू दूगु धासें बुद्ध धर्मयात केन्द्रय् तयाः स्वतधाःसा यक्वः खँ निगू देय्या मंका कथं लुइकेफइ धयादिल ।
काठमाडौं : भ्रष्टाचार नियन्त्रणका लागि अनेकन निरोधात्मक उपाय अपनाउने अख्तियार दुरुपयोग अनुसन्धान आयोगमा नै कुनै सरकारी कर्मचारी घुस रकमसहित पुग्छ...
काठमाडौं : भारत सरकारको सहयोगमा निर्माण गरिएको सुष्मा कोइराला मेमोरियल नर्सिङ क्याम्पसको क्याम्पस तथा छात्रावास भवन हस्तान्तरण गरिएको छ ।...
काठमाडौं : परराष्ट्रमन्त्री डा. आरजु राणा देउवाले शुक्रबार बेल्जियमका विदेशमन्त्री बर्नार्ड क्विन्टिनसँग ब्रसेल्समा भेटवार्ता गरेकी छन् । युरोपेली मामिला एवं वैदेशिक...
