- अनामनगर काठमाडौँ
- infobikalpa21@gmail.com
December 14, 2024, Saturday
रसुवा : हिमाली लागा चाःहिलेतः देय् दुने व पिनेया पर्यटकत वयाः हे च्वंगु दनि ।
लाङटाङ राष्ट्रिय निकुञ्जया कथं थुगु आर्थिक दँया साउननिसें मंसिर १४ गतेतक लाङताङ व (सिलु) गोसाईँकुण्ड लागाय् नीनिद्वःसिबें अप्वः देय् दुने व पिनेया पर्यटक थ्यंगु दु व आः नं न्हिन्हिं नीन्याम्ह निसें स्वीम्हतक वयाः हे च्वंगु धुञ्चेया सुरक्षा जाँच चौकीं धाःगु दु । निकुञ्जया वरिष्ठ संरक्षण प्रमुख श्यामकुमार साहया कथं निकुञ्जय् दुहाँ वनेत नियमकथं पुलेमाःगु द्यबाःजकं छगू क्वति ६८ लख ७५ द्वः व च्यासः म्हःगु दु । नेपाःमितय्त सच्छि, सार्क देय्यापिंत द्वःछि व न्यासः अले मेपिंत स्वद्वः निकुञ्ज दुहां वनेत ल्हापं म्हया च्वनागु निकुञ्जं धाःगु दु ।
दँय्दसं असोजनिसें पुस १५ गतेतक व फागुननिसें जेठ १५ गतेतक निगू मौसमय् पर्यटकत थन चाह्यू वइगु निकुञ्जं धाःगु दु । पर्यटकया सुविधाया निंतिं येँया भृकुटीमण्डप व रसुवाया धुञ्चे व्रावल व हेलम्बू पोष्टय्् ल्हापं म्हयेगु सुविधा दूगु पर्यटन धलःतइम्ह रेञ्जर केशव ढडारीं धयादिल ।
पवित्रगु तीर्थ सिलु दूगु हुनिं अप्वयाना आन्तरिक पर्यटकत धाःसा गोसाईँकुण्डय् तक जक वनेगु यानाच्वंगु दु । रसुवाया तःजागु थाय्या पर्वतमाला, तुइसेच्वंगु च्वापुगुँ, पुखूत, ककरो भीर, तजाःथजाःगु भञ्ज्याङ, चौतारा, स्थानीय नसात्वँसा, भेषभूषा व थी थी प्राकृतिक सम्पदाय् न्हैपुकेदइगु बन्जाःतय्गु धापू दु ।
पर्यटकीय लँया धुन्चे–गोसाइँकुण्ड, ठूलोस्याफ्रु–लाङताङया लँय्या दक्वहे होटल व लज न्ह्यानाः हे च्वंगु व नयेत च्वनेत छुं कथंया पंगः मदूगु होटल ब्यवसायी संघया जिल्ला नायः निसान गजुरेलं धयादिल ।
अथेहे गोसाइँकुण्ड व लाङताङ पदमार्गय् चाःहिलेबलय् क्वछिनातःथाय् जक फोहर वांछ्वयेत, लँय् ध्वःदुइपिं जीवजन्तुयात माया यानाः संरक्षण यानादीत, छुं नं कथंया सिमा स्वांमा मस्यंकेत सकसितं इनाप यानागु वरिष्ठ संरक्षण प्रमुख साहं धयादिल ।
काठमाडौं : भ्रष्टाचार नियन्त्रणका लागि अनेकन निरोधात्मक उपाय अपनाउने अख्तियार दुरुपयोग अनुसन्धान आयोगमा नै कुनै सरकारी कर्मचारी घुस रकमसहित पुग्छ...
काठमाडौं : भारत सरकारको सहयोगमा निर्माण गरिएको सुष्मा कोइराला मेमोरियल नर्सिङ क्याम्पसको क्याम्पस तथा छात्रावास भवन हस्तान्तरण गरिएको छ ।...
काठमाडौं : परराष्ट्रमन्त्री डा. आरजु राणा देउवाले शुक्रबार बेल्जियमका विदेशमन्त्री बर्नार्ड क्विन्टिनसँग ब्रसेल्समा भेटवार्ता गरेकी छन् । युरोपेली मामिला एवं वैदेशिक...
