मनाइयो विश्व हिन्दी दिवस

काठमाडौं : नेपालस्थित भारतीय दूतावासले विश्व हिन्दी दिवस मनाएको छ । शुक्रबार लैनचौरस्थित दूतावास परिसरमा विश्व हिन्दी दिवस मनाइएको हो ।

दिवसको अवसरमा आयोजित कार्यक्रममा हिन्दी मञ्च नेपालका अध्यक्ष एवं सांसद मंगलप्रसाद गुप्ता, भाषा आयोगका अध्यक्ष डा. गोपाल ठाकुर, नेपाल संगीत तथा नाट्य प्रज्ञा प्रतिष्ठानका कुलपति निशा शर्मा र भारतीय दूतावासकी काउन्सलर गीताञ्जलि ब्रयान्डन सहभागी थिए ।

दूतावासका काउन्सलर ब्रयान्डनले भारतीय प्रधानमन्त्री नरेन्द्र मोदीको सन्देश वाचन गरेकी थिइन् । मोदीले विश्व हिन्दी दिवसले हिन्दी भाषा बोल्नेहरूका लागि समृद्धि र सांस्कृतिक पहिचानको संरक्षण गर्नेमा जोड दिएका थिए । उनले नेपालमा रहेका हिन्दीभाषी र विद्वानहरूप्रति आभार प्रकट गरेका थिए । उनीहरूकै माध्यमबाट हिन्दी भाषाको प्रचार–प्रसार र नेपाल–भारतबीचको सम्बन्धलाई प्रगाढ बनाउन मद्दत गरेको मोदीको सन्देशमा भनिएको छ । कार्यक्रममा स्कुलका विद्यार्थीहरूले हिन्दी कविता र नाटकमा भाग लिएका थिए।

त्यस्तै नेपाल–भारत मैत्री कवि सम्मेलन पनि आयोजना गरिएको थियो । जहाँ प्रतिष्ठित कविहरूले हिन्दी भाषामा कविता वाचन गरेका थिए । भारतको नागपुरमा पहिलोपटक सन् १९७५ जनवरी १० मा विश्व हिन्दी सम्मेलन आयोजना गरिएको थियो । सोही कारण प्रत्येक जनवरी १० मा विश्वभरि विश्व हिन्दी दिवस मनाउँदै आएको छ ।

सम्बन्धित समाचार

काठमाडौँ उपत्यकाको तापक्रम क्रमशः बढ्दो

• २०८१ पुष २६, २१: ०१

काठमाडौं : हाल देशको पश्चिमी भू–भागमा पश्चिमी न्यून चापीय प्रणालीको प्रभाव रहेको छ । गण्डकी, कर्णाली र सुदूरपश्चिम प्रदेशका पहाडी...

बाँध मर्मतको काम अन्तिम चरणमा

• २०८१ पुष २६, २१: ०१

राैतहट : राजदेवी नगरपालिकास्थित बागमती नदीमा भत्केको बाँध मर्मत गर्ने काम अन्तिम चरणमा पुगेको छ । नगरपालिकाका प्रमुख भिखारी यादव,...

महाभारतमा आगलागी : सेना परिचालन, पर्यटकीय क्षेत्रमा जान रोक

• २०८१ पुष २६, २१: ०१

काभ्रे : काभ्रेको दक्षिणी क्षेत्रस्थित महाभारत पर्वतशृंखलाको सामुदायिक वनमा मंगलबार दिउँसोदेखि सुरू भएको आगलागी अझै नियन्त्रणमा आउन सकेको छैन। जिल्लास्थित...