- अनामनगर काठमाडौँ
- infobikalpa21@gmail.com
January 24, 2025, Friday
यल : खुसिबाः वयाः क्षति जुगु नख्खुडोल ताँ मर्मत मजूगुलिं स्थानीयतय्सं थाकुक यात्रा याये मालाच्वंगु दु । यल महानगरपालिका–१४ या नख्खुडोल व वडा नं १५ या सैँवु स्वाइगु नख्खु खुसिया ताँ वंगु असोज १२ गते वःगु खुसिबालं क्षतिग्रस्त जुगु खः ।
खुसिबालं प्वाः गंगु ताँ नँया ग्वाहालिं निचा पांग्राया सवारी यंके जिइकः अस्थायीकथं छखेरं यंकेगु कथं न्ह्याकूगु दु । यल महानगरपालिका–२५ या स्थानीय उमेश थापां नख्खुडोल ताँ दुनावयेधुंकाः थ्यंमथ्यं छगूत्या किलोमिटर पश्चिमया नख्खु ताँ जुयाः यात्रा यायेमाःगु बाध्यता कनादिल ।
चीब्यागु ताँय् आः अप्वः धइथें निचा पांग्राया सवारी साधनया जाम जुइ । नख्खुडोलया स्थानीय कमल राईं ज्याकुथि वनेगु इलय् पुलय् तसकं जाम जुयाः समस्या जुयाच्वंगु खँ कनादिल ।
वय्कलं धयादिल, “खुसिबालं क्षति याःगु प्यला पुलीन, आःतक जीर्ण अवस्था जुयाच्वंगु नख्खुडोल ताँ अझ नं मर्मत मयाःनि । थुकिं यानाः वयेवनेत तसकं थाकुयाच्वंगु दु ।”
पुल मर्मत यायेत यल महानगरपालिकां ६७ लख फ्यानातःगु दु । यल महानगरपालिका–२५ या वडानायः दौलतकुमार खत्रीं पुल मर्मत याकनं हे न्ह्याकेत्यंगु धयादिल ।
यल महानगरपालिका–१४ या वडानायः अमृत महतं ठेक्का प्रक्रिया तसकं बुलुहुँ न्ह्यानाच्वंगुलिं ताँ मर्मत याये लिबाःगु स्वीकार यानादिल । वय्कलं धयादिल, “आः अस्थायी कथं मोटरसाइकल वयेवने जिइक दयेकूगु दु । ताँ मर्मत यायेगु तसकं बुलुहुँ जुयाच्वंगुलिं स्थानीयतय्त वयेवनेत थाकुयाच्वंगु खः, आः याकनं हे समस्या ज्यंनी ।”
काठमाडौं : हाल देशको पश्चिमी भू–भागमा पश्चिमी न्यून चापीय प्रणालीको प्रभाव रहेको छ । गण्डकी, कर्णाली र सुदूरपश्चिम प्रदेशका पहाडी...
राैतहट : राजदेवी नगरपालिकास्थित बागमती नदीमा भत्केको बाँध मर्मत गर्ने काम अन्तिम चरणमा पुगेको छ । नगरपालिकाका प्रमुख भिखारी यादव,...
काभ्रे : काभ्रेको दक्षिणी क्षेत्रस्थित महाभारत पर्वतशृंखलाको सामुदायिक वनमा मंगलबार दिउँसोदेखि सुरू भएको आगलागी अझै नियन्त्रणमा आउन सकेको छैन। जिल्लास्थित...
