विकाशकेँ केन्द्रित क काज करबाक लेल जनप्रतिनिधिकेँ राष्ट्रपतिक आग्रह

नयाँ विकल्प संवाददाता
प्रकाशित मिती: २०८१ माघ १०, २०: २६

काठमाण्डू : राष्ट्रपति रामचन्द्र पौडेल संविधान आ लोकतान्त्रिक शासन प्रणालीके मेरुदण्डक रुपमे रहल निकायसभकेँ जनता आ विकाशकेँ केन्द्रमे राइख काज करबाक लेल आग्रह केलैन अइछ ।

जिला समन्वय समितिके प्रमुख एवम् उपप्रमुख आ जिला समन्वय समिति महासङ्घ नेपालक पदाधिकारीसङ आइ राष्ट्रपति भवनमे भेल भेटघाट कार्यक्रममे ओ उक्त बात बताैलैन अइछ । राष्ट्रपति पौडेल कहलैथ “विभिन्न कठिनाइके बादो तीनु तहके सरकार, नीजि क्षेत्र, गैरसरकरी क्षेत्रके काममे समन्वय आ अनुगमन करैबला महत्वपूर्ण जिम्मेवारी निर्वाह कइए रहल छै, संविधान आ लोकतान्त्रिक शासन प्रणालीके मेरुदण्ड निकायसभ जनता आ विकाशकेँ केन्द्रमे राइख क काज होबाक चाही से हमरा लागैत अइछ।”

ओ बजेट, योजना आ कार्यादेशअनुसार काज भेल नै भेल अनुगमन आ समन्वय करैबला काजमे अपन भूमिका आ क्रियाशीलता बढ़ाबैत राज्यके धीयान देबाक लेल सेहो आग्रह केलैन । राष्ट्रपति पौडेल कहलैन, “गाम, नगर आ वाडमे योजना, प्रक्रिया, कार्यादेश अनुसार काज भेल नै भेल बारेमे कनि धीयान आ सजग भ क्रियाशीलता बढ़ाएब तँ विकाशके काम सेहो आगू बढतै, बजेटके सही सदुरुपयोग हएतै । अइसँ राष्ट्रके विकाशमे योगदान हएत ।”

ओ अपन भूमिकाकेँ अपने क्रियाशील आ जागरुक भ प्रभावकारिता बढ़नेबाक लेल सेहो समन्वय समितिक प्रमुख एवम् उपप्रमुखकेँ आग्रह केलैन ।

संविधान सङ्घ, प्रदेश आ स्थानीय सरकारके व्यवस्था कएल कहैत राष्ट्रपति पौडेल गाउँपालिके आ नगरपालिकाबीच समन्वय तथा विकाश निर्माणसम्बन्धी काममे सन्तुलन कायम क अनुगमन करैत महत्वपूर्ण जिम्मेवारीसहित जिला समन्वय समितिके व्यवस्था कएल गेल उल्लेख केलैन । राष्ट्रपति पौडेल महासङ्घके ३०म् स्थापना दिवस कार्यक्रमके सफलताके शुभकामना व्यक्त केलैन ।