- अनामनगर काठमाडौँ
- infobikalpa21@gmail.com
काठमाडौं । गरिबी निवारण कोषले विपन्न वर्गको आयस्तरमा सुधार ल्याउन सहकारी बैंकमार्फत कर्जा लगानी गर्ने गरि राष्ट्रिय सहकारी बैंकसँग सम्झौता गरेको छ । गरिबी निवारण कोषको कार्यालयमा आयोजित कार्यक्रममा कोषका कार्यकारी निर्देशक नहकुल केसी र बैंकका प्रबन्ध सञ्चालक केबी उप्रेतीले समझदारी पत्रमा हस्ताक्षर गरेका छन् ।
गरिबी निवारण कोषको सहयोगमा गठन भैसकेका र हुने सहकारीहरुको व्यवसायीकरण, पेशागत एवं वित्तीय व्यवस्थापनमा सहयोग पु¥याउने उदेश्यले भएको समझदारीले गरिब तथा विपन्न वर्गलाई बैंकिङ क्षेत्रको थोक कर्जा, बचत र पूँजी परिचालन लगायत अन्य बैंकिङ सेवामा पहुँच पुग्ने कोषका निर्देशक केसीले जानकारी दिए ।
कोषले गठन गरेका सामुदायीक संस्थाका सदस्यहरु सहित २५ जिल्लामा गठन भएका ४२५ सहकारी, ३५६ हस्तकला उत्पादन समुहका सहकारी तथा चालु आर्थिक वर्षमा गठन गरिने सहकारीहरुलाई क्षमता विकासको तालिमका साथै बचत, कर्जा र पूँजी परिचालन गर्न सहयोग पु¥याउने पनि बताइएको छ ।
सहकारीहरुको दीगोपना र सुधारको लागि राष्ट्रिय सहकारी बैंकमार्फत कोषले गठन गरेका संस्थाहरुको बचत परिचालन गर्न प्रेरित गर्ने बैंकका प्रबन्ध सञ्चालक उप्रेतीले बताए । समझदारीले ग्रामिण अर्थतन्त्र र उद्यमको संस्थागत विकासले लक्षित परिवारलाई गरिबीको चक्रबाट माथि उठाउन भरपर्दो आधार तयार भएको केसीको भनाई छ ।
अनुदान दिएर मात्र जनताको जीवनस्तर उकास्न नसकिने ठहर गर्दै अव कर्पोरेट मोडेलमा जाने कोषको तयारी रहेको उनले बताए । कोषको सहयोगमा ५८ जिल्लामा ३२ हजार सामुदायिक संस्था गठन भएका छन् । कुल १५ लाख गरिब घरपरिवारमध्ये नौ लाख घरपरिवारले गरिबी निवारण कोषका कार्यक्रमबाट लाभ लिएको उनको भनाई छ । कोष र बैंकबीच भएको समझदारीले गरिबी निवारणको राष्ट्रिय लक्ष्य प्राप्तीमा सहयोग पुग्ने उप्रेतीको भनाई छ ।
सहकारी बैंक अन्तरगत नौ हजार ५०० सहकारीसंस्थाहरु सदस्यको रुपमा आवद्ध छन्। १४ अर्ब रुपैयाँ निक्षेप भएको बैंकले नौ अर्ब रुपैयाँभन्दा बढी कर्जा लगानी गरेको छ ।गरिबी निवारण कोषले ३२ हजार ९९ सामुदायीक संस्थालाई १४ अर्ब ५० करोड रुपैयाँ आय आर्जनमा सहित २५ अर्ब रुपैयाँ लगानी गरेको छ । कोषले नौ लाख ६० हजार घरधुरीका ४० लाख जनसंख्यालाई प्रत्यक्ष सहयोग पु¥याउँदै आएको छ ।
काठमाडौँ : चालु वर्ष असार महिना सकिन लाग्दासम्म देशभर धान रोपाइँ करिब ५५ प्रतिशत पुगेको छ। कृषि तथा पशुपन्छी विकास...
काठमाडौं । नेपाली बजारमा आज (बुधबार) सुनचाँदीको मूल्य वृद्धि भएको छ। नेपाल सुनचाँदी व्यवसायी महासङ्घका अनुसार बुधबार छापावाल सुनको मूल्य...
काठमाडौं : नेपाल आयल निगमले बुधबारदेखि एलपी ग्यासको साविककै १४.२ केजी क्षमताको पूरा सिलिन्डर बिक्री–वितरण पुनः सुरु गर्ने निर्णय गरेको...
