- अनामनगर काठमाडौँ
- infobikalpa21@gmail.com
काठमाडौं । नेपालमा सुर्तीजन्य पदार्थको कारण प्रत्येक वर्ष हजारौं मानिसहरुले अकालमा ज्यान जाने गरेको छ । राजधानीमा क्यान्सर काउन्सिल नेपालको आयोजना र माछापुछ«े बैंक लि. को सहकार्यमा सञ्चालित अन्तरक्रियात्मक तथा जनचेतनामुलक कार्यक्रममा वक्ताहरुले सो कुरा बताएका हुन् ।
क्यान्सर काउन्सिल नेपालका अध्यक्ष रुद्रलाल कडरियाले सुर्तीजन्य पदार्थको कारण मुटु, क्यान्सर, दम लगायत विभिन्न रोगहरुबाट मानिसहरुले अकालमा ज्यान गुमाउनु परेको बताए । उनले सुर्तीजन्य पदार्थ रोकथामको लागि विद्यालय स्तरबाट जोड दिन पर्ने बताए । विद्यालय स्तरका बालबालिका वातावरणको प्रभाव, जनचेतनाको अभाव र उचित हेरचाहको अभावले गर्दा विशेष गरेर शहरका बालबालिकाहरु सुर्तीजन्य पदार्थबाट प्रभावित भएकोमा उनले चिन्त व्यक्त गरे ।
सुर्तीजन्य पदार्थको रोकथामको लागि व्यापक रुपमा जनचेतनामूलक कार्यक्रम सञ्चालन गर्नुपर्ने र सुर्तीजन्य पदार्थ विरुद्धको ऐन कार्यान्वयन गर्नुपर्नेमा उनको जोड थियो । त्यस्तै क्यान्सर रोग विशेषज्ञ प्रा. डा. विष्णुदत्त पौडेलले सुर्तीजन्य पदार्थको रोकथाम गर्न सक्यो भने प्रत्येक वर्ष हजारौं मानिसलाई अकालबाट ज्यान बचाउन सक्ने कुरा व्यक्त गरे । डा. पौडेलका अनुसार नेपालमा दिन प्रति दिन सुर्तीजन्य पदार्थको उपभोग बढ्नु दुःखद भएको बताए । सुरुको अवस्थामा रोगको पहिचान गर्न सकेमा क्यान्सर रोग निको पार्न सक्ने र उपचार खर्चमा पनि कमि आउने पौडेलले बताए । कार्यक्रममा विद्यालयका विद्यार्थीहरु, शिक्षकहरु र अन्य कर्मचारीहरु सहभागी भएका थिए ।
१. आयो दसैँ ढोल बजाई, गयो दसैँ ऋण बोकाई विक्रम सम्वत २०८३सालको बडा दसैँ यसपटक अलि ढिलो सुरु हुने...
१.नेपाली कांग्रेसको १५औँ महाधिवेशन नेपाली कांग्रेसको विशेष अधिवेशनमार्फत् प्राप्त कार्यादेशको आधारमा गगन थापाले नेतृत्व गरेको नेपाली कांग्रेसको १५औँ महाधिवेशन...
१. संयुक्त राष्ट्रसंघमा प्रधानमन्त्रीबालेन्द्र शाहको प्रस्तुति संयुक्त राष्ट्रसंघको ८१औँ महासभामा नेपालको तर्फबाट सरकार प्रमुखको हैसियतले आफ्ना विचार राखेर सम्माननीयप्रधानमन्त्रीबालेन्द्र...
