पाकिस्तानका पूर्व प्रधानमन्त्री शरिफ अयोग्य ठहर

नयाँ विकल्प
प्रकाशित मिती: २०७५ बैशाख ४, ०८: ४१

पाकिस्तानको सर्वोच्च अदालतले भ्रष्टाचार सम्बन्धी अभियोगहरुमा गरिएको छानबिनपछि प्रधानमन्त्री नवाज शरिफलाई सार्वजनिक ओहदामा बसिरहन अयोग्य घोषित गरेको छ । सन् २०१५ मा भएको चर्चित ‘पनामा पेपर्स’ प्रकरणमा नवाज शरिफका सन्तानको सम्बन्ध कर छलीको उद्देश्यले विदेशमा खोलिएका नक्कली कम्पनीहरुसँग रहेको देखिएपछि उनको परिवारको सम्पत्तिबारे छानबिन भएको थियो । ‘पनामा पेपर्स’ प्रकरणपछि नवाज शरिफको परिवारको सम्पत्तिबारे छानविन गर्न गठन गरिएको टोलीले गत जुलाई १० मा आफ्नो प्रतिवेदन पेश गरेको थियो ।
उक्त फैसलापछि नवाज शरिफले प्रधानमन्त्री पदबाट राजीनामा दिएका थिए र मन्त्रिमण्डल भंग भएका थियो । शरिफले निरन्तर रुपमा आफूले कुनै गलत काम नगरेको दाबी गर्दै आएका छन् । पाकिस्तानको राजधानी इस्लामावादमा कडा सुरक्षा व्यवस्था माझ सर्वोच्च अदालतले त्यस्तो फैसला सुनाएको हो ।
‘पनामा पेपर्स’ प्रकरणलाई लिएर सरीफ विरुद्ध उजुरी दायर गर्नेहरु मध्ये विपक्षी पाकिस्तान तहरिक (ए) इन्साफ पार्टीका अध्यक्ष तथा भूतपूर्व क्रिकेट खेलाडी इमरान खान पनि एक थिए । अदालतमा फैसला सुन्नका लागि मानिसहरुको ठूलो भिड लागेको थियो ।

सम्बन्धित समाचार

ट्रम्पको घोषणा: इरानसँगको युद्धविराम अब समाप्त, नयाँ सम्झौता नहुने

२०७५ बैशाख ४, ०८: ४१

काठमाडौँ| अमेरिकी राष्ट्रपति डोनाल्ड ट्रम्पले इरानसँग भएको युद्धविरामसम्बन्धी समझदारी अब प्रभावहीन भइसकेको दाबी गर्दै तेहरानसँग कुनै नयाँ सम्झौता नगर्ने बताएका...