- अनामनगर काठमाडौँ
- infobikalpa21@gmail.com
अफगानिस्तानको सरकारी सुरक्षा फौजले लडाकू विमानको सहयोगमा गरेको कारबाहीका क्रममा १० जना तालिबान लडाकू मारिनुको साथै १२ जना पक्राउ परेका छन् । अफगानिस्तानको पूर्वीभागमा पर्ने घाज्नी प्रान्तको काराबाह जिल्लामा लुकेर बसेका तालिबान लडाकूलाई लक्षित गरी कारबाही गरिएको अफगान सेनाले जारी गरेको विज्ञप्तिमा जनाएको छ ।
कारबाहीमा तालिबान समूहका कुख्यात कमान्डर अब्दुल अहमद पनि मारिएको अन्तर्राष्ट्रिय समाचारमा आइरहेको छ ।
करिब १७ वर्षदेखि अफगान सरकारसँग युद्ध जारी राखेका तालिबान लडाकू समूहले भने यस कारबाहीको विषयमा केही टिप्पणी गरेका छैनन् ।
त्यसैगरी, टर्कीमा तीव्र गतिमा गुडिरहेको एक ट्रेन गत साता अर्को रेलसँग ठोकिँदा नौजनाको मृत्यु भएको छ भने ४७ जना घाइते भएका छन् । उद्धारकर्मीहरूले रेलको बोगीमा च्यापिएका मानिसको उद्धार गरेका थिए । उक्त दुर्घटना स्थानीय समयअनुसार, बिहान साढे ६ बजे भएको थियो ।
ट्रेन अंकाराबाट कोन्या जाँदै गर्दा दुर्घटना भएको थियो । मार्सान्डिज स्टेसन अंकारा ट्रेन स्टेसनबाट लगभग आठ किलोमिटर टाढा रहेको छ । तीव्र गतिको ट्रेनले स्टेसनको ट्य्राक परीक्षण गरिरहेको इन्जिनमा ठोकिएपछि दुर्घटना भएको हो । दुईवटा डिब्बा ट्य्राकबाट बाहिरिएको र ट्रेनको डिब्बा ठोकिएपछि स्टेसनको ओभरपासका केही भाग ट्रेनमाथि खसेका थिए । स्रोत – बीबीसी
काठमाडौँ — रुसले युक्रेनको राजधानी किभसहित एक दर्जनभन्दा बढी क्षेत्रहरूमा रातभरिदेखि बुधबारसम्म भीषण मिसाइल र ड्रोन आक्रमण गरेको छ। रुसको...
काठमाडौँ — नाइजेरियाको दक्षिणी ओन्डो राज्यमा नाइजेरियाली वायुसेनाको एटीआर–४२ (ATR-42) विमान दुर्घटना हुँदा २५ जनाको मृत्यु भएको छ। वायुसेनाका अनुसार...
नयाँदिल्ली : भारतीय प्रधानमन्त्री नरेन्द्र मोदीले सरकार प्रमुखका रूपमा निरन्तर २५ वर्ष नेतृत्व पूरा गरेको अवसरमा भारतको केन्द्रीय मन्त्रिपरिषद्ले बधाई...
