बडादशैं अन्तर्गत आज टीका, उत्तम साइत ११:५३ बजे

काठमाडौं : नेपालीहरुको महान् चाड बडादशैंको मुख्य दिन आज देशभर टीका र जमरा लगाएर मनाइँदैछ । विजयादशमीका दिन मान्यजनको हातबाट दुर्गा भवानीको प्रसादस्वरूप टीका, जमरा थापी आशीर्वाद लिने परम्परा रहेको छ ।

नेपाल पञ्चाङ्ग निर्णायक विकास समितिका अनुसार यस वर्ष टीका लगाउने उत्तम साइत बिहान ११ बजेर ५३ मिनेटमा परेको छ । समितिले टीका लगाउने व्यक्ति पूर्व र लगाइदिने व्यक्ति पश्चिम फर्किनुपर्ने बताएको छ । त्यसअघि बिहान ९ बजेर २३ मिनेटमा देवी विसर्जन गर्ने साइत रहेको छ ।

आज गुरु, पुरोहित, हजुरबुबा, हजुरआमा, बा, आमा र मान्यजनको हातबाट टीका–जमरा थापी यश, ऐश्वर्य वृद्धि, कार्यक्षमता तथा दीर्घायु प्राप्त होस् भन्ने आशीर्वाद लिने परम्परा छ । आज नभ्याउनेहरूले भने कोजाग्रत पूर्णिमासम्म मान्यजनको हातबाट टीका ग्रहण गर्न सक्नेछन् ।

असत्यमाथि सत्य र आसुरीशक्तिमाथि दैवी शक्तिको विजयको प्रतीकका रूपमा विजयादशमी मनाइन्छ । धार्मिक विश्वासअनुसार त्रेतायुगमा आजकै दिन भगवान रामले रावणमाथि विजय हासिल गरेका थिए । त्यस समयदेखि नै दशैंलाई विजयको प्रतीक पर्वका रूपमा मनाउन थालिएको मान्यता छ ।

सम्बन्धित समाचार

प्रस्तावित राजदूतमध्ये १० जनाको नाम अनुमोदन, साउदीका लागि प्रस्तावित राजदूत सुनारको अस्वीकृत

• २०८२ आश्विन १६, ०७: १२

काठमाडौं : विभिन्न देशका लागि सरकारले प्रस्ताव गरेका १३ जना राजदूतमध्ये १० जनाको नाम संसदीय सुनुवाइ समितिबाट अनुमोदन भएको छ...

रास्वपाका सुरूंगा नगर सभापति हुसेन लागूऔषध मुद्दामा पक्राउ

• २०८२ आश्विन १६, ०७: १२

काठमाडौं : राष्ट्रिय स्वतन्त्र पार्टी (रास्वपा) सप्तरीको सुरूंगा नगरपालिका सभापति साविर हुसेन पक्राउ परेका छन् । हुसेनलाई बुधवार लागू औषध...

गृहमन्त्री गुरुङ र भारतीय विदेशमन्त्री जयशंकरबीच भेटवार्ता

• २०८२ आश्विन १६, ०७: १२

काठमाडौं : गृहमन्त्री सुधन गुरुङ र भारतीय विदेशमन्त्री एस. जयशंकरबीच बुधबार भेटवार्ता भएको छ । गृहमन्त्रीस्तरीय बिमस्टेक बैठकमा सहभागी हुन...