- अनामनगर काठमाडौँ
- infobikalpa21@gmail.com
काठमाडौँ : साफ महिला च्याम्पियनसिपअन्तर्गतको सेमिफाइनलमा नेपाल बंगलादेशसँग पराजित हुँदै प्रतियोगिताबाट बाहिरिएको छ ।
बुधबार सम्पन्न प्रतिस्पर्धात्मक खेलमा नेपाल २-१ गोलअन्तरले पराजित भएको हो । निर्धारित समयसम्म बराबरीतर्फ उन्मुख देखिएको खेलमा नेपालले अतिरिक्त समयमा गोल खाएपछि फाइनल पुग्ने अवसर गुमाएको हो ।
खेलको २२औँ मिनेटमा गीता रानाले गोल गर्दै नेपाललाई अग्रता दिलाएकी थिइन् । दीपा शाहीले प्रहार गरेको कर्नरलाई सदुपयोग गर्दै उनले टोलीलाई सुरुआती अग्रता दिलाएकी हुन् ।
पहिलो हाफमा अग्रता कायम राखेको नेपालले दोस्रो हाफको सुरुवातमै बराबरी गोल बेहोर्न पुग्यो । ४६औँ मिनेटमा बंगलादेशकी ऋतु पोर्ना चक्माले कर्नरबाटै सिधा गोल गर्दै खेललाई १-१ को अवस्थामा पुर्याइन् ।
खेलको अन्त्यतिर दुवै टोलीले निर्णायक गोलको खोजी गरिरहेका बेला इन्जुरी समयको ९३औँ मिनेटमा सगोरिकाले गोल गर्दै बंगलादेशलाई अग्रता दिलाइन् । नेपाली रक्षापंक्तिले बल क्लियर गर्न नसकेको अवस्थाको लाभ उठाउँदै उनले विजयी गोल गरेकी थिइन् ।
यस जितसँगै बंगलादेश लगातार तेस्रोपटक प्रतियोगिताको फाइनलमा प्रवेश गर्न सफल भएको छ । उपाधिका लागि बंगलादेशले भारत र भुटानबीच हुने अर्को सेमिफाइनलको विजेतासँग प्रतिस्पर्धा गर्नेछ ।
नेपाल भने समूह चरणमा भुटानलाई १-० तथा श्रीलंकालाई २-० ले पराजित गर्दै अन्तिम चारमा पुगेको थियो । तर सेमिफाइनलमा बंगलादेशसँग पराजित भएपछि नेपालको उपाधि यात्रा यसपटक पनि अन्त्य भएको छ ।
संखुवासभा : नेपाली कांग्रेसभित्र आन्तरिक सुधार, सुशासन र पार्टी रूपान्तरणको मुद्दालाई लिएर देशव्यापी अभियान तीव्र पारिएको छ। यसै क्रममा पार्टीका...
काठमाडौँ : चालु आर्थिक वर्ष पूरा हुन १९ दिन बाँकी हुँदा सरकारले राजश्व संकलनमा लक्ष्यको ७५ दशमलव १७ प्रगति हासिल...
काभ्रेपलाञ्चोक : स्तरोन्नति भइरहेको अरनिको राजमार्गअन्तर्गत धुलिखेल–खावा सडकखण्डलाई तीव्रता दिन असार तेस्रो सातादेखि १५ दिन रातको समयमा सवारीसाधन आवागमनमा रोक...
