- अनामनगर काठमाडौँ
- infobikalpa21@gmail.com
प्रेमचन्द्र झा
जनकपुरधाम : मधेश प्रदेश सरकारले आर्थिक वर्ष २०८२/८३ को असार २६ गतेसम्म कुल विनियोजित बजेटको ५६.३१ प्रतिशत खर्च गरेको छ। आर्थिक वर्षको अन्तिम चरणमा खर्च कार्यान्वयनमा उल्लेखनीय वृद्धि भएको तथ्यांकले देखाएको छ।
प्रदेश सरकारको कुल रु. ४६ अर्ब ९८ करोड विनियोजित बजेटमध्ये असार २६ गतेसम्म रु. २६ अर्ब ४६ करोड खर्च भएको छ। खर्च विवरणअनुसार चालु खर्चतर्फ विनियोजित रु. १५ अर्ब ६४ करोडमध्ये रु. ९ अर्ब ४९ करोड अर्थात् ६०.६९ प्रतिशत खर्च भएको छ। यस्तै, पूँजीगत खर्चतर्फ रु. ३१ अर्ब ३४ करोड बजेटमध्ये रु. १६ अर्ब ९७ करोड अर्थात् ५४.१२ प्रतिशत खर्च भएको छ।
तथ्यांकअनुसार जेठ १३ गतेसम्म प्रदेश सरकारले कुल रु. ८ अर्ब ७६ करोड अर्थात् १८.६४ प्रतिशत मात्र बजेट खर्च गरेको थियो। तर त्यसपछि करिब डेढ महिनाको अवधिमा खर्च उल्लेखनीय रूपमा बढ्दै असार २६ गतेसम्म रु. २६ अर्ब ४६ करोड अर्थात् ५६.३१ प्रतिशत पुगेको छ।
यसबाट आर्थिक वर्षको अन्तिम समयमा बजेट कार्यान्वयन तीव्र गतिमा भएको देखिन्छ। नेपालमा हरेक वर्ष आर्थिक वर्षको अन्त्यतिर ठूलो परिमाणमा बजेट खर्च हुने प्रवृत्ति दोहोरिँदै आएको छ। यसलाई “असारे खर्च” का रूपमा समेत चर्चा गरिन्छ, जहाँ समयमै योजना सम्पन्न गर्न नसक्दा अन्तिम समयमा हतारमा बजेट खर्च गर्ने अवस्था देखिने गरेको छ।
यद्यपि चालु खर्चको तुलनामा पूँजीगत खर्च अझै अपेक्षाकृत कम रहेको तथ्यांकले देखाएको छ। विकास निर्माणका आयोजनाहरूको प्रभावकारी कार्यान्वयन, गुणस्तर कायम गर्दै समयमै खर्च गर्ने विषयमा प्रदेश सरकारमाथि थप जिम्मेवारी रहेको सरोकारवालाहरूको भनाइ छ।
आर्थिक वर्ष समाप्त हुन केही दिन बाँकी रहेकाले बाँकी बजेटको कार्यान्वयन कति प्रभावकारी रूपमा हुन्छ भन्ने विषयलाई अहिले चासोका साथ हेरिएको छ।
काठमाडौं : जनआस्था साप्ताहिकका सम्पादक तथा आस्था मिडियाका अध्यक्ष किशोर श्रेष्ठलाई पक्राउ गरिएकोप्रति सर्वत्र विरोध भएको छ । प्रहरीले पत्रकार...
काठमाडौं : राष्ट्रिय सभाको बैठक आज बस्दैछ। बिहीबार दिउँसो सवा १ बजे बैठक बस्ने तय छ। बैठकमा ‘आन्तरिक वायुसेवाको दायित्वसम्बन्धी...
काठमाडौं : हाल देशभर मनसुनी वायुको प्रभाव रहेको छ। हाल मनसुनको न्यूनचापीय रेखा सरदर स्थानको आसपास रहेको जल तथा मौसम...
