- अनामनगर काठमाडौँ
- infobikalpa21@gmail.com
काठमाडौं । प्रतिनिधिसभाको बैठक आज दिउँसो १ बजे बस्ने भएको छ। संघीय संसद सचिवालयका अनुसार बैठकमा सरकारका तर्फबाट विभिन्न महत्वपूर्ण विषयमाथि छलफल र प्रस्ताव प्रस्तुत गर्ने कार्यसूची तय गरिएको छ।
आजको बैठकमा प्रधानमन्त्री वालेन्द्र शाहको तर्फबाट कानुन, न्याय तथा संसदीय मामिला मन्त्री सोबिता गौतमले ‘आदिवासी जनजाति आयोगको छैटौं वार्षिक प्रतिवेदन (आर्थिक वर्ष २०८१/०८२)’ प्रतिनिधिसभामा पेश गर्ने कार्यसूची रहेको छ।
त्यसैगरी, सांसद भिष्मराज आङ्देम्बेले वास्तविक भूमिहीन, सुकुम्बासी तथा अव्यवस्थित बसोबासीको पहिचान गरी उनीहरूको संरक्षण, उचित क्षतिपूर्ति, सुरक्षित आवास, आधारभूत सेवा, स्वास्थ्य, शिक्षा, खाद्य सुरक्षा तथा जीविकोपार्जनको सुनिश्चिततासहित स्थायी पुनःस्थापनाको व्यवस्था गर्न सरकारको ध्यानाकर्षण गराउने जरुरी सार्वजनिक महत्वको प्रस्ताव प्रस्तुत गर्नेछन्।
उक्त प्रस्तावमा वास्तविक भूमिहीन तथा सुकुम्बासीलाई यथाशीघ्र लालपुर्जा वितरण गर्न सरकारलाई आवश्यक पहल गर्न आग्रह गरिएको छ। प्रस्तावलाई सांसद ऐनबहादुर महर, युवराज दुलाल र आरेन राईले समर्थन गर्ने कार्यसूची रहेको संघीय संसद सचिवालयले जनाएको छ।
काठमाडौं : जनआस्था साप्ताहिकका सम्पादक तथा आस्था मिडियाका अध्यक्ष किशोर श्रेष्ठलाई पक्राउ गरिएकोप्रति सर्वत्र विरोध भएको छ । प्रहरीले पत्रकार...
काठमाडौं । नेपाली कांग्रेसका निवर्तमान सभापति शेरबहादुर देउवा आज स्वदेश फर्किँदै छन् । देउवा थाई एयरको विमानमार्फत बिहीबार मध्यान्ह १२...
काठमाडौं : राष्ट्रिय सभाको बैठक आज बस्दैछ। बिहीबार दिउँसो सवा १ बजे बैठक बस्ने तय छ। बैठकमा ‘आन्तरिक वायुसेवाको दायित्वसम्बन्धी...
