उपत्यकामा पुनः निषेधाज्ञा लम्बियो, आदेशसहित

नयाँ विकल्प,

काठमाडौं – काठमाडौं उपत्यकामा पछिल्लो समय खुकुलो हुँदै आएको निषेधाज्ञा पुनः थप गरिएको छ।

कोरोना संक्रमितको संख्या बढेदै गएपछि स्थानीय प्रशासनले निषेधाज्ञालाई निरन्तरता दिँदै आएको छ ।

मंगलबार बसेको उपत्यकाका प्रमुख जिल्ला अधिकारीहरुको बैठकले साउन २७ सम्म निषेधाज्ञा लम्ब्याउने निर्णय गरेको हो ।

यसअघि प्रशासनले लगाएको साउन २० गते रातिदेखि सकिँदै थियो ।

निर्णयानुसार सबै प्रकारका सम्मेलन, पार्टी प्यालेस, सिनेमा हल, डान्सबार, दोहोरी नाचघर, क्लब, स्वीमिङ पुल, मनोरञ्जन स्थल, रंगशाला सञ्चालनमा लगाइएको रोक कायमै रहेको छ ।

यस्तै खुल्ला स्थानमा मानिसहरु भेला जम्मा हुन, भीडभाड गर्न, सभा जुलुस गर्न तथा भोजभतेर गर्न पनि रोक लगाइएको छ ।

यस्तै नित्य पूजाबाहेक धार्मिक तथा सांस्कृतिक गतिविधि गर्न पनि रोक लगाइएको छ ।

शैक्षिक संस्था पनि बन्द नै रहनेछन् भने ढुवानी सञ्चालन गर्न पाइनेछ । यसबाहेक परीक्षा तथा सार्वजनिक यातायात स्वास्थ्य मापदण्ड पालना गरेर सञ्चालन गर्नेलगायतका निर्णय भएका छन् ।