- अनामनगर काठमाडौँ
- infobikalpa21@gmail.com
कञ्चनपुर । बलात्कारपछि हत्या गरिएकी कञ्चनपुरकी निर्मला पन्तको हत्या आशंकामा डिएनए टेस्ट गरिएका एसपी डिल्लीराज विष्टसहित तीनैजनाको रिपोट नेगेटिभ आएको छ ।
निर्मलाको ‘भेजाइनल स्वाब’मा भेटिएको बलत्कारीको शुक्रकिटसँग परीक्षण गरिएका ३ जनाको शुक्रकिट मेल नखाएको सरकारी वकिल कार्यालय कञ्चनपुरका जिल्ला न्यायाधिवक्ता खेमराज भट्टले आइतबार जानकारी दिएका हुन ।
डिएनए टेस्टको करिब १५ दिनपछि आएको रिपोर्टमा कञ्चनपुरका तत्कालिन प्रहरी प्रमुख एसपी विष्टसहित उनका छोरा किरण र भीमदत्त नगरपालिकाका मेयर सुरेन्द्र विष्टका भतिजा आयुषको डिएनए मेल नखाएको भट्टले बताए ।
झण्डै दुई साता अघि प्रहरी प्रधान कार्यालयले उनीहरु तीनै जनाको डिएनए परीक्षणका लागि रगत लिएको थियो । केन्द्रीय विधि विज्ञान प्रयोगशालाबाट आएको सिलबन्दी रिपोर्टलाई आइतबार कञ्चनपुर प्रहरीले खोलेको छ । जिल्ला प्रहरी कार्यालय कञ्चनपुरका प्रहरी उपरीक्षक कुवेर कडायतले अनुसन्धान अधिकृत कृष्णराज ओझा सहित जिल्ला सरकारी वकिल कार्यालयका जिल्ला न्यायाधिवक्ता खेमराज भट्ट सहितको उपस्थितिमा रिपोर्ट खोलिएको बताए ।
निर्मलाको पक्षमा आन्दोलित स्थानीयबासीले माग गरे बमोजिम कञ्चनपुरका तत्कालिन प्रहरी प्रमुख विष्ट उनका छोरा किरण र अर्का युवक आयुषको डिएनए थप अनुसन्धानका लागि परीक्षण गरेको थियो । जिल्ला न्यायाधिवक्ता भट्टका अनुसार निर्मलाको डिएनए प्रोफाईल बनेको छ । जसले बलात्कार गरेको हो, त्यसको डिएनए म्याच हुनेछ ।
पक्राउ परेर सार्वजनिक गरिएका भीमदत्त नगरपालिका १९ बागफाँटाका ४१ बर्षिय दिलिप विष्ट, भीमदत्त नगरपालिका १८ निम्बुखेडाका चक्रदेव बडूको समेत डिएनए रिपोर्ट मिलेको थिएन । यस अघि पक्राउ परेका दुई र बाँकी तीनै जनाको डिएनए रिपोर्ट नमिलेपछि अब निर्मलाका वास्तविक हत्यारा को हो ? भन्ने प्रश्न खडा भएको छ । यता स्थानीयले एसपी बिष्ट र उनको अनुसन्धान टोलीका इनेस्पेक्टर र दुई जना सईलाई नियन्त्रणमै राखेर अनुसन्धान नहुदा सम्म घटना बाहिर नआउने भन्दै आन्दोलन थालेका छन् ।
काठमाडौं : काठमाडौंको बुढानीलकण्ठ नगरपालिका–१० कपनस्थित बाल उद्धार माध्यमिक विद्यालयका प्रधानाध्यापकमाथि कुटपिट गरेको आरोपमा प्रहरीले दुई जनालाई पक्राउ गरेको छ...
काठमाडौं : सुदूरपश्चिम प्रदेश सरकारले चालु आर्थिक वर्ष २०८३/८४ को बजेट प्रस्तुत गरेको छ । अघिल्लो सरकारले गत असार १ गते...
नुवाकोट : भोटेकोशी बाढीपछि आज सडक सञ्जालमार्फत रसुवा जिल्लासँग सम्पर्क स्थापित भएको छ । नेपाली सेनाले बेत्रावतीमा निर्माण गरेको बेलिब्रिज सञ्चालनमा...
