- अनामनगर काठमाडौँ
- infobikalpa21@gmail.com
काठमाडौं । प्रहरी प्रधान कार्यालयले समाजमा व्यप्त अपराध, हत्या, हिंसा र बलात्कारका घटनालाई न्युनिकरण गर्ने उदेश्यले आइतबारबाट ७७ वटै जिल्लामा समुदाय–प्रहरी साझेदारी कार्यक्रम शुरुआत गरेको छ । कार्यक्रमको आइतबार भृकुटीमण्डपमा गृहमन्त्री रामबहादुर थापा बादलले उद्घाटन गर्दै लागू औषधको कारोबार र मदिरा अपराधको आधार भएकोले जरैबाट निर्मुल पार्ने उदेश्य सरकारले लिएको बताए ।
गृहमन्त्री बादलले अपराधको मुख्य स्रोत मदिरा र लागूऔषध रहेको भन्दै मदिराकै कारण विद्यालय तहका बालबालिका बढी पीडित भएको वताए । उनले गृहमन्त्री थापाले दीगो शान्ति स्थापनाका लागि पनि आइतबारदेखि शुरु समुदाय–प्रहरी साझेदारी कार्यक्रम कोशेढुंगा सावित हुने दाबी गरे ।
गृहसचिव प्रेमकुमार राइले विकास र समृद्धिको पहिलो आधार नै शान्ति सुरक्षा रहेकोले प्रहरी र समुदायको सहकार्यबाट नै लक्ष्य हासिल गर्न प्रहरीले समाजमा हुने अपराध न्यूनीकरण गर्न ‘समूदाय प्रहरी साझेदारी कार्यक्रम’ ल्याएको बताए । संघीय मामिला तथा स्थानीय विकास मन्त्रालयका सचिव दिनेशकुमार थपलियाले सुरक्षाको प्रत्याभूति दिलाउन प्रहरी र नागरिकबीच सहकार्य र समन्वयको आवश्यकता औंल्याए। लक्ष्य हासिल गर्नका लागि जनशक्तिभन्दा पनि इच्छाशक्ति मुख्य विषय भएको बताए ।
प्रहरी महानिरीक्षक सर्वेन्द्र खनालले अभियानको अवधारणा प्रस्तुत गरे । उनले अभियानको उद्देश्य अपराध रोकथाम, सामाजिक विकृति विसंगतीविरुद्ध जनचेतना फैलाउने, सुरक्षा व्यवस्थापनमा जनसहयोग अभिवृद्धि गर्ने र समग्र सामुदायिक सुरक्षालाई अभिवृद्धि गर्न नेपाल प्रहरी र स्थानीय तहबीचमा सम्बद्ध सरोकारवालालाई समेत समेटी संस्थागत साझेदारी निर्माण गर्ने रहेको बताए ।
नेपाल प्रहरीले शान्ति र स्थायित्वका लागि विभिन्न निकायसँगको समन्वयमा सञ्चालित ‘समुदाय–प्रहरी साझेदारी’ कार्यक्रममा ‘हर प्रहर, गाउँ र नगरी, टोल टोलमा नेपाल प्रहरी’ भन्ने मूल नारा दिइएको छ । अभियानमा नेपाल प्रहरी, स्थानीय तह, समुदाय, सामाजिक संस्था र विद्यालयसँगको साझेदारीमा आइतबारबाट केन्द्रदेखि स्थानीय तह र विद्यालयसम्म एकैपटक सञ्चालन भएको हो ।
अभियानमा सात सय ५३ वटा स्थानीय तहका ६ हजार ७ सय ५३ वटा वार्डमा नेपाल प्रहरीको दुई हजार ६ सय युनिटका दुई हजार पाँच सय २३ जना तालिम र प्रशिक्षण प्राप्त प्रहरीहरु संलग्न छन् । महानिरिक्षक खनालका अनुसार ७७ वटा जिल्लाकम विस्तारित नेपाल प्रहरीका ७५ हजार जवान र अधिकृत, ३६ हजार विद्यालयका चार लाख शिक्षक ४० लाख अभिभावक ७५ लाख विद्यार्थी र १० हजार सामाजिक संघ संस्था यो अभियानमा संलग्न छन् ।
गृह मन्त्रालयबाट जारी भएको ८२ बुँदे गृह प्रशासन सुधार योजनालाई आत्मसात् गर्दै नेपाल प्रहरी उक्त अवधारणालाई अगाडि सारेको दाबी गरिएको छ । कार्यक्रम कार्यान्वयन गर्न केन्द्रीयस्तरदेखि गाउँ तहसम्मै साझेदारी संरचना निर्माण गरिने प्रहरी प्रवक्ता एवं प्रहरी वरिष्ठ उपरीक्षक उत्तमराज सुवेदीले जानकारी दिए ।
अपराध रोकथाम, समुदाय सुरक्षा र सचेतना, शान्ति र सुव्यवस्था, विद्यालय सचेतना सहितका समुदाय केन्द्रित कार्यक्रम सञ्चालन गरिने अवधारणामा उल्लेख छ । यसअघिका ‘प्रहरी मेरो साथी’, ‘मुस्कान सहितको प्रहरी सेवा’ लगायत कार्यक्रम ल्याएपनि प्रभावकारी रुपमा त्यसको सञ्चालन हुन सकेको थिएन ।
अहिलेको नयाँ अभियानलाई भने दिगो र दीर्घकालीन साझेदारीका रुपमा विकास गर्ने योजना रहेको प्रहरी प्रवक्ता सुवेदीको भनाइ छ । विकास र सुरक्षाको अन्तरनिर्भरता, विद्यमान परिस्थिति र भावी कार्यदिशालाई सम्बोधन गर्दै अपराध रोकथाम गरी समाजमा शान्ति, सुरक्षा र अमनचयनका लागि ‘समुदाय–प्रहरी साझेदारी’ कार्यक्रम फलदायी हुने विश्वास नेपाल प्रहरीले लिएको छ ।
अभियान सफल बनाउन टोलटोलमा प्रहरी, नागरिकमैत्री प्रहरी सेवा, समुदाय र विद्यालय सचेतना कार्यक्रम सँगसँगै लाने योजना रहेको छ । स्थानीय तहसँगको समन्वयमा विद्यालयमा समेत सामुदायिक सुरक्षा पाठ्यक्रम बनाएर लागू गरिने योजना प्रहरीले अगाडि सारेको छ । कार्यक्रम शुरु गर्न एक करोड ९२ लाख तथा एक वर्षको कार्यक्रम सञ्चालन गर्न १७ करोड बजेट लाग्ने अनुमान गरिएको छ ।
यस्तै दीर्घकालीन योजनानुसार ४३ करोड बजेट लाग्ने अनुमान प्रहरीको छ । यस्तै प्रहरीले अभियान सञ्चालन गर्न प्रहरी प्रधान कार्यालयले राष्ट्रिय संयोजन र व्यवस्थापनको काम गर्नेछ । जिल्लामा समुदाय–प्रहरी जिल््ला समिति निर्माण हुनेछ । यस्तै समुदाय–प्रहरीपालिका समिति, समुदाय–प्रहरी वडा समिति, समुदाय–प्रहरी टोल समिति र प्रहरी–विद्यालय सम्पर्क समिति निर्माण हुनेछ ।
जिल्लामा प्रमुख जिल्ला अधिकारीको संयोजकत्व रहने र स्थानीय तहका प्रमुख तथा प्रहरी कार्यालयले तोकेको प्रहरी अधिकृत सहसंयोजक रहने छन् । उक्त संयन्त्रमा विभिन्न सामाजिक सङ्घसंस्था रहनेछन् ।
काठमाडौं : काठमाडौंको बुढानीलकण्ठ नगरपालिका–१० कपनस्थित बाल उद्धार माध्यमिक विद्यालयका प्रधानाध्यापकमाथि कुटपिट गरेको आरोपमा प्रहरीले दुई जनालाई पक्राउ गरेको छ...
काठमाडौं : सुदूरपश्चिम प्रदेश सरकारले चालु आर्थिक वर्ष २०८३/८४ को बजेट प्रस्तुत गरेको छ । अघिल्लो सरकारले गत असार १ गते...
नुवाकोट : भोटेकोशी बाढीपछि आज सडक सञ्जालमार्फत रसुवा जिल्लासँग सम्पर्क स्थापित भएको छ । नेपाली सेनाले बेत्रावतीमा निर्माण गरेको बेलिब्रिज सञ्चालनमा...
