- अनामनगर काठमाडौँ
- infobikalpa21@gmail.com
काठमाडौं । नेपाली कांग्रेसका सभापति शेरबहादुर देउवा र महामन्त्री डा.शशांक कोइरालाले केही दिन यता दिएको अभिव्यक्ति प्रति पार्टीका असन्तुष्ट नेताहरुले असन्तुष्टी जनाउन थालेका छन् ।
कांग्रेसका पूर्वसभापति तथा पूर्वप्रधानमन्त्री गिरिजाप्रसाद कोइरालाको नवौं स्मृति दिवसको अवसरमा शुक्रबार राजधानीमा गिरिजाप्रसाद कोइराला फाउण्डेशनले आयोजना गरेको कार्यक्रममा कांग्रेस नेता डा. शेखर कोइराला र गगन थापाले नेतृत्वप्रति असन्तुष्टी जनाएका हुन् ।
लोकतान्त्रिक र जीवन्त पार्टी भएकोले कांग्रेसमा देखिएको गुट, उपगुट र समूहले पार्टीलाई कुनै असर नगर्ने दुवै नेताले बताए । दुवै नेताले गुटको नाममा गिरोह भने सञ्चालन हुन नहुने बताए ।
सभापति देउवाका कट्टर आलोचकका रुपमा चिनिएका नेता डा.शेखरले गिरिजाप्रसाद कोइरालालाई तल देखाउन खोजेर पार्टी नेतृत्वले इतिकास मेट्न खोजेको आरोप लगाए ।
हाल देखिएको राजनीतिक परिवर्तनमाथि प्रश्न उठाउनेहरु राजनीतिक संस्कार र आचरण नभएका व्यक्तिले गर्दा यस्तो भएको डा. शेखरको प्रतिक्रिया थियो । उनले वाईडबडी जहाज खरिदमा भएको भ्रष्टाचारमा संलग्न राजनीतिक दलका नेतालाई कारबाही नगरेसम्म मुलुकबाट भ्रष्टाचार अन्त्य नहुने बताए ।
उनले धर्म परिवर्तन र गणतन्त्र कांग्रेसकै पहलमा आएकोले बिबाद गर्नु उचित नहुने बताए । अर्का नेता गगन थापाले पार्टीका सभापति देउवा र महामन्त्री डा. शशांक कोइरालाप्रति लक्षित गर्दै संविधानप्रति कतै गौरव गर्ने र कतै जनमत पछुताउनु गर्ने तथा एउटै बिषयमा दुई थरी अभिब्यक्तिले पार्टीको दृष्टिकोेण स्पष्ट नहुने बताए ।
पूर्वसभापति गिरिजाप्रसाद कोइरालाको नेतृत्वमा १२ बुँदे समझदारी, विस्तृत शान्ति सम्झौता र संविधानसभाको निर्वाचन हुनु गौरवको घटना भएको बताए । सत्तामा शासकिय कुशलता देखाउन नसक्नु काँग्रेसको कमजोरी भएको बताए । कुन राजनीतिक बाटो पहिल्याउने भन्ने स्पष्ट नभएर अल्मलिएको नेतृत्वले पार्टी हाँक्न नसक्ने थापाको निष्कर्ष थियो । फाउण्डेसनकी अध्यक्ष पूर्वउप्रधानमन्त्री सुजाता कोइरालाले मुलुकमा देखिएका समस्या समाधानको लागि नेपाली कांग्रेस भित्रको एकता जरुरी भएको बताइन् ।
दुई साता अघि विप्लव नेतृत्वको नेकपामा प्रतिवन्ध लगाउने सरकारको निर्णयको स्वागत गरेका सभापति देउवाले एक साता अघि सरकाकारको सो कदम गलत भएको बताए । दुई दिन अघि मात्र महामन्त्री डा. शशांक कोइरालाले हिन्दु बाहुल्य भएको मुलुक धर्म निरपेक्षता उपयुक्त नहुने भन्दै धर्मनिरपेक्षता, संघीयता र गणतन्त्रको बिषयमा जनमत संग्रह गर्नु पर्ने धारणा राखेका थिए गिरिजाप्रसाद कोइरालाको नेतृत्वमा आएको परिवर्तन उल्ट्याउन पार्टी भित्रकै शक्ति लागि परेको भन्दै त्यसका बिरुद्ध खबरदारी गर्न युवाहरुमा आव्हान गरेका छन् ।
काठमाडौं : काठमाडौंको बुढानीलकण्ठ नगरपालिका–१० कपनस्थित बाल उद्धार माध्यमिक विद्यालयका प्रधानाध्यापकमाथि कुटपिट गरेको आरोपमा प्रहरीले दुई जनालाई पक्राउ गरेको छ...
काठमाडौं : सुदूरपश्चिम प्रदेश सरकारले चालु आर्थिक वर्ष २०८३/८४ को बजेट प्रस्तुत गरेको छ । अघिल्लो सरकारले गत असार १ गते...
नुवाकोट : भोटेकोशी बाढीपछि आज सडक सञ्जालमार्फत रसुवा जिल्लासँग सम्पर्क स्थापित भएको छ । नेपाली सेनाले बेत्रावतीमा निर्माण गरेको बेलिब्रिज सञ्चालनमा...
