- अनामनगर काठमाडौँ
- infobikalpa21@gmail.com
काठमाडौं । संघीय संसद सचिवालयले संसदीय समितिका सभापतिको लागि खरिद गरेको ११ वटा स्कोर्पियो गाडीमा अनियमितताको आंशका गर्दै गठन गरिएको छानबिन समितिले प्रतिवेदनमा आर्थिक अनियमितता नगरेको ठहर गरेको छ ।
सभामुख कृष्णबहादुर महराले राष्ट्रियसभाको प्रत्यायोजित व्यवस्थापन तथा सरकारी आश्वासन समितिका सभापति तथा छानविन समितिका संयोजक रामनारायण बिडारीले बुझाएको छानबिन प्रतिवेदनमा सवारी खरिदमा आर्थिक अनियमितता गरेको प्रमाण नभेटिएको बताएका थिए । आफूहरुले एउटै गाडी किन्दा पनि केही छुट दिने गरेको अनुभव सुनाएका सासद बिडारीले तर संसद सचिवालयले ११ वटा गाडी किन्दा एक रुपैयाँ पनि छुट नदिएको विषयमा भने अचम्म माने ।
उनले सचिवालयले बोलपत्र आव्हान गरेरै खरिद गरेका कारणले कम मुल्यमा सवारी खरिद गरेको नदेखिएको बताए । बिडारीले सवारी खरिदमा कागजात दुरुस्त भएको भन्दै प्राविधिक रुपमा कमजोरी गर्नेलाई कारवाहीको सिफारिस गरेका छन् । गाडी खरिद गर्दा प्रक्रिया पुर्याएको सबै कागजात मिलेकै देखिएको भन्दै संयोजक बिडारीले पहिले गाडी विग्रियो भन्दै गुनासो गर्ने सांसद नै छानबिन समितिले बोलाउँदा नआएको गुनासो गरे ।
उनले ५÷७ जना सभापति समितिले बोलाउँदा समेत नआएको भन्दै केही सभापति भने कार्यव्यस्ताले नभएको जनाए । संसद सचिवालयले खरिद गरेका गाडी एक महिना नपुग्दै बिग्रिएको गुनासो गर्दै समिति सभापतिहरु सभामुख र राष्ट्रिय सभा अध्यक्ष गणेशप्रसाद तिमिल्सिनालाई भेटेर छानबिनको माग गरेका थिए ।
छानबिनको माग गर्ने सभापतिहरु नै छानबिन समितिले बोलाएको बैठकमा नआएपछि अन्य सांसदहरुले समेत मिलेमतोमा प्रतिवेदन आएको आशंका गरेका छन् । संसद सचिवालयले गरिद गरेका गाडीमध्ये एउटामा गियरले काम नगर्ने अर्को स्टार्ट नहुने, अर्कोमा आवाज बढी आउने र थर्कने गरेको भेटिएको बिडारीले जनाए ।
उजुरी गर्ने समिति सभापतिले अधिकांश गाडीमा झ्याल ढोकाका सिसा खोल्न–लगाउने गाह्रो हुने, वाइफरको समस्या, स्पिकरमा खराबी रहेको गुनासो गरेका थिए । कम्पनीले तत्कालै ती सामान फेरिदिने आश्वासन पाए पछि सभापतिहरु चुप बसेको हुन सक्ने संसद सचिवालयका एक कर्मचारीले बताए । छानबिन समितिका सदस्यमा सार्वजनिक लेखा समिति सभापति भरतकुमार शाह, कानुन, न्याय तथा मानव अधिकार समिति सभापति कृष्णभक्त पोखरेल, अर्थ समिति सभापति कृष्णप्रसाद दाहाल र दिगो विकास तथा सुशासन समिति सभापति तारादेवी भट्ट छिन् ।
कुल १६ वटा गाडी खरिदको निर्णय गरेको सचिवालयले वैशाखमा ५ वटा गाडी प्राप्त गरेको थियो । त्यसमध्ये ११ वटा गाडी असार २३ गते मात्र हस्तान्तरण भएका हुन्। सचिवालयले महिन्द्रा एस–पाइभ स्कोर्पियो गाडी खरिद गरेको हो । गाडीको मूल्य ५५ लाख ८० हजार रुपियाँ रहेको सचिवालले जनाएको छ ।
काठमाडौं : काठमाडौंको बुढानीलकण्ठ नगरपालिका–१० कपनस्थित बाल उद्धार माध्यमिक विद्यालयका प्रधानाध्यापकमाथि कुटपिट गरेको आरोपमा प्रहरीले दुई जनालाई पक्राउ गरेको छ...
काठमाडौं : सुदूरपश्चिम प्रदेश सरकारले चालु आर्थिक वर्ष २०८३/८४ को बजेट प्रस्तुत गरेको छ । अघिल्लो सरकारले गत असार १ गते...
नुवाकोट : भोटेकोशी बाढीपछि आज सडक सञ्जालमार्फत रसुवा जिल्लासँग सम्पर्क स्थापित भएको छ । नेपाली सेनाले बेत्रावतीमा निर्माण गरेको बेलिब्रिज सञ्चालनमा...
