काठमाडौं । भारतीय राजदूत मन्जिभ सिंह पुरी, आयोजकका तर्फबाट प्रेम अन्भेसी, उद्योग वाणिज्य महासंघ ३ नं. प्रदेशका संयोजक दिनेश श्रेष्ठ, नेपाल मुद्रण उद्योग संघका उपाध्यक्ष रिता ढकाल लगायत भारतीय प्लाष्टिक तथा मेसिनरी उद्योगपतिहरुले संयुक्त रुपमा नेपाल 5P, (प्लाष्टिक प्रिन्टिङ्ग, प्याकेजिङ्ग, पेपर, प्रोसेसिङ्ग)को संयुक्त उद्घाटन पश्चात् तीन दिनसम्म प्रदर्शनी 5P Expo-2019 सञ्चालन भएको थियो ।

यही २०७६ पौष ४ गतेदेखि ६ गतेसम्म प्रदर्शन भएको उक्त Expo मा १०५ वटा कम्पनीहरुले भाग लिएको नेपाल मुद्रण उद्योग संघका महासचिव अजयबादे श्रेष्ठले नयाँ बिकल्प साप्ताहिकलाई बताए ।

नेपालको मुद्रण उद्योगमा नयाँ प्रविधिको विस्तारका लागि यो प्रदर्शनीले नेपाली मुद्रण उद्योगीलाई थप प्रोत्साहन मिलेको भारतीय 5P निर्माता कम्पनीले बताइएको छ ।

तीन दिनसम्म चलेको उक्त 5P Expoमा व्यवसायी लगायत दश हजार भन्दा बढी व्यक्तिहरुले अवलोकन गरेको मुद्रण संघका अध्यक्ष शंकर कुमार खड्काले बताए ।