- अनामनगर काठमाडौँ
- infobikalpa21@gmail.com
काठमाडौं । निर्वाचन आयोगले आगामी माघ ९ गते हुने राष्ट्रियसभा सदस्य निर्वाचनको लागि सात वटै प्रदेशमा मतादान स्थल तोकेको छ । आयोगका अनुसार प्रदेश नं. १ मा मतदाताको लागि बिराटनगर महानगरपालिकास्थित बीरेन्द्र सभागृहमा मतदानस्थल तोकिएको छ । यो केन्द्रमा प्रदेशसभा सदस्य ९३ र स्थानीय तहका अध्यक्ष, उपाध्यक्ष तथा प्रमुख, उपप्रमुख २८४ गरी तीन सय ६७ जना मतदाता रहेका छन् ।
प्रदेश नं. २ का मतदाताका लागि जनकपुर उपमहानगरपालिकाको महेन्द्रनारायण स्मृती भवनमा मतदान स्थल तोकिएको छ । सो केन्द्रमा प्रदेशसभा सदस्य एक सय सात र स्थानीय तहका अध्यक्ष, उपाध्यक्ष तथा प्रमुख, उपप्रमुख दुई सय ७२ गरी तीन सय ७९ जना मतदाता छन् ।
प्रदेश नं. ३ का मतदाताका लागि ललितपुर महानगरपालिकाको वडा समितिको भवनलाई मतदान स्थल तोकिएको छ । सो केन्द्रमा प्रदेशसभा सदस्य एक सय १० र स्थानीय तहका अध्यक्ष, उपाध्यक्ष तथा प्रमुख, उपप्रमुख दुई सय ३८ गरी तीन सय ४८ मतदाता रहेका छन् ।
गण्डकी प्रदेशका मतदाताका लागि कास्कीको जिल्ला निर्वाचन कार्यालय पोखरामा मतदान स्थल तोकिएको छ । सो केन्द्रमा प्रदेशसभा सदस्य ६० र स्थानीय तहका अध्यक्ष, उपाध्यक्ष तथा प्रमुख, उपप्रमुख एक सय ७० गरी दुई सय ३० मतदाता छन् ।
प्रदेश नं. ५ का मतदाताका लागि घोराही उपमहानगरपालिकाकोे कर्मचारी मिलन केन्द्रको भवनलाई मतदान स्थल तोकिएको छ । सो केन्द्रमा प्रदेशसभा सदस्य ८७ र स्थानीय तहका अध्यक्ष, उपाध्यक्ष तथा प्रमुख, उपप्रमुख दुई सय १८ गरी तीन सय पाँच मतदाता छन् ।
कर्णाली प्रदेशका मतदाताका लागि बीरेन्द्रनगरस्थित जिल्ला निर्वाचन कार्यालय परिसरको भवनलाई मतदान स्थल तोकिएको छ । सो केन्द्रमा प्रदेशसभा सदस्य ४० र स्थानीय तहका अध्यक्ष, उपाध्यक्ष तथा प्रमुख, उपप्रमुख एक सय ५८ गरी एक सय ९८ मतदाता छन् ।
सुदूर पश्चिम प्रदेशका मतदाताका लागि सिलगढी नगरपालिकाकोे पद्म पब्लिक मुक्ति नारायण उच्च माविमा मतदान स्थल तोकिएको छ । सो केन्द्रमा प्रदेशसभा सदस्य ५३ र स्थानीय तहका अध्यक्ष, उपाध्यक्ष तथा प्रमुख र उपप्रमुख एक सय ७६ गरी दुई सय २९ मतदाता छन् ।
सातवटा प्रदेशमा प्रदेशसभा सदस्य पाँच सय ५० र स्थानीय तहmका अध्यक्ष, उपाध्यक्ष तथा प्रमुख र उपप्रमुख एक हजार पाँच सय छ गरी दुई हजार ५६ मतदाता रहेको आयोगका प्रवक्ता राजकुमार श्रेष्ठले जनाएका छन् ।
काठमाडौं : नेपाली कांग्रेसको १५औँ महाधिवेशनबाट गगनकुमार थापाको नेतृत्वमा निर्वाचित नयाँ केन्द्रीय कार्यसमितिमा चिकित्सक, इन्जिनियर तथा विभिन्न विषयका विज्ञहरूको उल्लेख्य...
काठमाडौँ— नेपाल विद्युत् प्राधिकरणले बडादशैंका अवसरमा उपभोक्तालाई भरपर्दो, नियमित र गुणस्तरीय विद्युत् आपूर्ति सुनिश्चित गर्न देशभरका वितरण केन्द्रलाई आवश्यक तयारी...
काठमाडौं : सरकारले बुढीगण्डकी बाढीमा आएको बाढीबाट प्रभावित गोरखा जिल्लाको चुम नुब्री गाउँपालिका, धार्चे गाउँपालिका र आरुघाट गाउँपालिका तथा धादिङ...
