- अनामनगर काठमाडौँ
- infobikalpa21@gmail.com
काठमाडौं । नेपालमा कोरोना संक्रमणबाट छैठौं व्यक्तिको निधन भएको छ भने ५२ जिल्लाका एक हजार २ सय १२ जना संक्रमित भएका छन् । पछिल्लो दुई दिनदेखि नेपालमा कोरोना संक्रमितको सख्या दुई अंकबाट बढेर तीन अंकमा उकालो लागेको छ ।
स्वास्थ्य तथा जनसख्या मन्त्रालयका अनुसार शुक्रबार मात्र नेपालमा १ ससय ७० जनामा संक्रमण पुष्टी भएको छ । जसअनुसार पुरुष १ सय ६५ र महिला ५ जना रहेका छन् ।
मन्त्रालयका प्रवक्ता डा. विकास देवकोटाका अनुसार भारतबाट भर्खरै नेपाल आएका र जेठ १० गते मृत्यु भएका अर्घाखाँची जिल्लाको भूमिकास्थान नगरपालिकाका ३४ वर्षे पुरुषमा कोरोनाको संक्रमणको पुष्टी भएको हो । उनको मृत्यु पछि ११ गते स्वाव परिक्षण गरिएको थियो भने रिपोर्ट विहीबार मात्र आएको थियो ।
नेपालमा कोरोनाका कारण मृत्यु भएका ६ जनामध्ये ५ जनाको कोरोना संक्रमणको पुष्टी मृत्युपछि मात्र भएको छ । गुल्मी मदानेका एक पुरुषको मात्र रुपन्देहीको क्रिमसन अस्पतालमा उपचारको क्रममा स्वाव परिक्षण गर्दा कोरोना पुष्टी भएको थियो । उनको पनि संक्रमण पुष्टी भएको केही दिनमै मृत्यु भएको थियो ।
मन्त्रालयका अनुसार झापामा आज २८ जनामा कोरोना संक्रमणको पुष्टी भएको छ । २८ जनामध्ये २४ जना झापाको कचनकवल गाउँपालिकाका र १ जना भद्रपुरका रहेका छन् । सप्तरीको राजविराजका ४ जना, बाराको प्रसौटाका ४ जना, पर्षाको पोखरियामा ४ जना र जिराभवानीमा १ जनामा संक्रमण पुष्टी भएको छ ।
सर्लाहीमा १ महिला, म्याग्दीको मालिकामा १ पुरुष, वाँकेको दुध्वामा १० पुरुषमा संक्रमण पुष्टी भएको छ । कपिलबस्तुको यसोधरास्थित भृकुटी मावि क्वारेन्टाइनका २३, कपिलबस्तु नगरपालिकाका ४, गौतमबुद्ध माविका १५ र विजयनगरका ९ जनामा कोरोना संक्रमण देखिएको मन्त्रालयले जनाएको छ ।
नवलपरासी पूर्वका २ जना, रौतहटको राजपुर फरहथवाको डुमरियाका र्२ बालिकासहित ५६ जना, सर्लाही मलंगवाका ४ जना, रुपन्देहीको सैनामैनाका १ जना, दाङको गढवाका २ जनामा कोरोना संक्रमण देखिएको छ ।
काठमाडौं : प्रधानमन्त्री वालेन्द्र शाह संयुक्त राष्ट्रसंघको ८१औं महासभामा भाग लिन जाने भएपछि कार्यवाहक प्रधानमन्त्रीको जिम्मेवारी अर्थमन्त्री डा. स्वर्णिम वाग्लेलाई...
काठमाडौं : प्रधानमन्त्री वालेन्द्र शाह संयुक्त राष्ट्रसंघको ८१औं महासभामा सहभागी हुन आज साँझ अमेरिका प्रस्थान गर्दैछन् । उनी उच्चस्तरीय नेपाली प्रतिनिधिमण्डलको नेतृत्व...
काठमाडौं : जापानमा जारी २०औं एसियाली खेलकुद प्रतियोगिताअन्तर्गत पुरुष कबड्डीको समूह चरणको खेलमा नेपाल पाकिस्तानसँग पराजित भएको छ । प्रतियोगितामा नेपालको यो...
