लण्डन पुगे प्रधानमन्त्री देउवा, विमानस्थलमा भव्य स्वागत

काठमाडौं । प्रधानमन्त्री शेरबहादुर देउवा ग्लास्गो सहरमा आयोजित ‘वल्र्ड लिडर समिट’मा सहभागी हुन शुक्रबार राति लण्डन आइपुगेका छन् ।

नेपालका तर्फबाट उच्चस्तरीय प्रतिनिधिमण्डलको नेतृत्व गर्दै कतार एयरवेजको विमानद्वारा दोहा हुँदै लण्डनको हिथ्रो अन्तर्राष्ट्रिय विमानस्थल ओर्लेलगतै भव्य स्वागत गरिएको छ । उनलाई नेपालका लागि सर्वदलीय संसदीय समूहले स्वागत गरेको हो ।

देउवा नेतृत्वको प्रतिनिधिमण्डल शनिबार र आइतबार यही रहने र विभिन्न भेटभाट कार्यक्रममा व्यस्त हुने बताइएको छ । प्रतिनिधिमण्डलमा निजी सुरक्षा अधिकृत र सञ्चारकर्मीसहित २१ जना सहभागि छन् ।