लिखित सहमति गर्दै गठबन्धनकाे बैठक सकियाे, कस्ले कुन-कुन महानगर र उपमहानगर पाए ? हेर्नुहाेस सहमति पत्र

काठमाडौं । सत्तारुढ पाँच दलीय गठबन्धनले देशभरका सबै स्थानीउ तहहरुमा चुनावी तालमेल गर्ने सहमति गरेका छन् । बुधबार प्रधानमन्त्री निवास बालुवाटारमा बसेको बैठकले बैशाख ३० गते सम्पन्न हुने स्थानीय तह निर्वाचनका लागि महानगरपालिका र उपमहानगरपालिकाको मेयर र उपमेयरमा सहमति जुटाएका हुन् ।

सत्तारुढ गठबन्धनका दलका शीर्ष नेताहरुको बैठकले देशभरका ६ महानगर, ११ उपहानगरसहित सबै पालिकामा गठबन्धन गर्ने सहमति गर्दै महानगर र उपमहानगरमा सिट बाँडफाँटको टुंगो लागेको बताइएको हो भने पाँच दलबिच महानगर र उपमहानगरको मेयर र उपमेयरमा लिखित सहमति नै भएको बैठकमा सहभागि एक नेताले बताए ।

बैठकबाट निर्णय गर्दै नेपाली काँग्रेसले विराटनगर, काठमाडौं र ललितपुरको मेयर तथा वीरगञ्ज, भरतपुर र पोखरा महानगरपालिकाको उपमेयर पद पाउने छ भने नेकपा माओवादी केन्द्रले भरतपुर महानगरपालिकाको मेयर र ललितपुरको उपमेयर पाउनेछ ।

पोखरा महानगरपालिका काँग्रेसले केन्द्रको निर्णय नमान्ने र काँग्रेस बागी उम्मेदवार उठाउँदै मैत्रीपूर्ण प्रतिस्पर्धा जाने घोषणा गरेको छ भने चितवनको भरतपुर महानगर कार्यसमितिले स्थानीय कार्यकर्ता र मतादाताको मर्म र भावना विपरित गठबन्धनको निर्णय नमान्ने सभापतिहरुको बैठकले निर्णय गरेको छ ।
गठबन्धनका दलहरुबीच कहि सौहार्दपूर्ण वातावरणमा चुनावी तालमेल भएको छ भने कही मैत्रीपूर्ण प्रतिस्पर्धामा जाने निर्णय भएको छ ।

यस्तो छ लिखित सहमति पत्र…