पल शाहलाई छाड्ने -नछाड्नेबारे सुनुवाइ हुँदै

काठमाडौं । बलात्कार आरोपमा पुर्पक्षमा रहेका कलाकार पल शाह (पूर्णविक्रम)लाई धरौटीमा छाड्ने बारेको मुद्दामा सुनुवाइ हुँदैछ। धरौटीमा रिहा हुन पाउँ भन्दै शाहले दिएको रिट निवेदनमा उच्च अदालत पोखरामा सुनुवाइ हुँदैछ।

तनहुँ जिल्ला अदालत र नवलपरासी जिल्ला अदालतको आदेशले बलात्कार मुद्दामा पुर्पक्षमा रहेका शाहले धरौटीमा रिहा हुन पाउँ भन्दै रिट निवेदन दिएका थिए। शाहलाई धरौटीमा छाड्ने नछाड्ने भन्नेबारे उच्च अदालत पोखरामा सुनवाइ हुने भएको हो ।

गायिकालाई बलात्कार गरेको आरोपमा शाह प्रहरी हिरासतमा पुगेका थिए। त्यसपछि उनलाई अदालतले पुर्पक्षका लागि कारागार पठाएको थियोे ।