पूजा महतोको शानदार अर्धशतक, चीनसामु नेपालले राख्यो १२६ रनको लक्ष्य

काठमाडौँ । पूजा महतोको उत्कृष्ट अर्धशतकको मद्दतमा नेपालले एसियन गेम्स महिला क्रिकेट छनोटअन्तर्गत चीनसामु १२६ रनको लक्ष्य प्रस्तुत गरेको छ ।मलेसियास्थित बायोमास ओभलमा टस जितेर पहिले ब्याटिङ गरेको नेपालले निर्धारित २० ओभरमा पाँच विकेट गुमाउँदै १२५ रन बनायो ।

नेपालका लागि पूजा महतोले सर्वाधिक ६३ रनको योगदान दिइन् । उनले ५७ बलमा ६ चौका प्रहार गरिन् । यस्तै, रुवी पोदार २२ रनमा अविजित रहँदा सोनी पाख्रिनले १८ रन जोडिन् ।चौथो विकेटका लागि पूजा र रुवीबीच ६४ रनको महत्वपूर्ण साझेदारी भएको थियो, जसले नेपालको इनिङ सम्हाल्न ठूलो भूमिका खेल्यो ।

चीनका लागि मा रुइकले दुई विकेट लिइन् भने वाङ हुइयिङ र जियापिङ लीले समान एक–एक विकेट हात पारे । नेपाल प्रतियोगितामा सुखद सुरुआत गर्ने लक्ष्यमा रहेको छ भने चीन लगातार दोस्रो जित निकाल्दै सेमिफाइनलमा स्थान सुरक्षित गर्ने योजनामा छ । चीनले पहिलो खेलमा इन्डोनेसियालाई तीन विकेटले पराजित गरेको थियो ।

यसअघि नेपाल र चीनबीच भएका दुई टी–२० अन्तर्राष्ट्रिय भेटमा नेपाल विजयी भएको इतिहास छ ।

सम्बन्धित समाचार

डेम्बेलेको ह्याट्रिकमा फ्रान्स समूह विजेता बन्दै नकआउट चरणमा

• २०८३ जेष्ठ १३, १४: २५

काठमाडौँ, १३ असारः उसमान डेम्बेलेको शानदार ह्याट्रिकको मद्दतमा फ्रान्सले नर्वेलाई ४–१ गोलअन्तरले पराजित गर्दै फिफा विश्वकप २०२६ अन्तर्गत समूह ‘आई’...

लिग–२ र युके टूरका लागि रोहितको कप्तानीमा नेपाली टोली घोषणा

• २०८३ जेष्ठ १३, १४: २५

काठमाडौँ । नेपाल क्रिकेट संघ (क्यान) ले आइसीसी पुरुष क्रिकेट विश्वकप लिग–२ सिरिज तथा युके प्रिपेरेसन टूरका लागि रोहित पौडेलको...

क्रोएसियाको पहिलो जित, पानामा १-० ले पराजित

• २०८३ जेष्ठ १३, १४: २५

काठमाडौँ । क्रोएसियाले विश्वकप फुटबलमा पहिलो जित दर्ता गरेको छ । पानामाविरुद्ध भएको प्रतिस्पर्धात्मक खेलमा क्रोएसियाले १-० को संकुचित जित...