‘रोल नं १’ आजदेखि प्रदर्शनमा, देशभर १५० हाराहारी शो

काठमाडौं । विनोद पौडेल निर्मित चलचित्र ‘रोल नं १’ आजदेखि देशभर प्रदर्शनमा आएको छ । ‘पूर्ण बहादुरको सारङ्गी’बाट चर्चामा आएका निर्माता पौडेलको नयाँ चलचित्रप्रति दर्शकमाझ उत्साह देखिएको छ ।

जोन योञ्जन को निर्देशन रहेको चलचित्रमा मुकुन भुसाल, सुशांक मैनाली, रेणु योगी, एवन राज उप्रेती र सिर्जना अधिकारी मुख्य भूमिकामा छन् । बाल कलाकारका रूपमा निर्भिक रेग्मी, रिन्चेन लामा, संयम कटुवाल र सिजल श्रेष्ठले अभिनय गरेका छन् ।

चलचित्रका निर्माता विनोद पौडेल र जान्वी पौडेल हुन् भने सह–निर्मातामा छत्रमाया गिरी र रमेश चौलागाईं रहेका छन् । चलचित्रको कथा तथा पटकथा महेश दवाडी ले लेखेका हुन् । डीओपीको जिम्मेवारी शिवराम श्रेष्ठ ले सम्हालेका छन् ।

सेन्ट्रल फिल्म एक्जामिनेसन कमिटीले चलचित्रलाई ‘युनिभर्सल सर्टिफिकेट’ प्रदान गरेको छ । यससँगै ‘रोल नं १’ सबै उमेर समूहका दर्शकले सहज रूपमा हेर्न सक्ने भएका छन् ।

देशकै ठूलो मल्टिप्लेक्स चेन क्यूएफएक्सले  काठमाडौंमा १६ र उपत्यकाबाहिर दमौलीबाहेक १९ शो उपलब्ध गराएको छ । त्यस्तै, INI Cinemas ले आफ्ना ६ चेनमार्फत १८ शो दिएको छ । वान सिनेमाजले ५ तथा बिग मुभिजले ४ शो दिएका छन् । चलचित्रले देशभर करिब १५० शो पाएको बताइएको छ ।

सम्बन्धित समाचार

सामाजिक विकृतिविरुद्ध सचेतना फैलाउँदै ‘सहीछाप’ सडक नाटक प्रदर्शन

• २०८३ जेष्ठ १५, ०९: ३४

काठमाडौ । नमोबुद्ध नगरपालिकाको आयोजनामा सामाजिक विषयवस्तुमा आधारित सचेतनामूलक सडक नाटक ‘सहीछाप’ प्रदर्शन गरिएको छ। नगरभित्रका विद्यालय उमेरका बालबालिका, युवा...

‘झिँगेदाउ–२’ को पोस्टर सार्वजनिक, असोज २ देखि देशभर प्रदर्शन हुने

• २०८३ जेष्ठ १५, ०९: ३४

काठमाडौं । कपनगढी सिनेमा प्रालि र फिल्म क्र्यु नेपाल प्रालिको प्रस्तुतिमा निर्माण भएको नेपाली चलचित्र झिँगेदाउ–२ को आधिकारिक पोस्टर सार्वजनिक...

६० वर्षपछि जगद्गुरु विधुशेखर भारतीको नेपाल भ्रमणले धार्मिक तथा सांस्कृतिक क्षेत्रमा उत्साह

• २०८३ जेष्ठ १५, ०९: ३४

नेपाल भारत धार्मिक तथा सांस्कृतिक क्षेत्रमा सदिँयौदेखि निरन्तर चल्दै आएको आपसी सम्बन्ध र धार्मिक अनुष्ठानका कार्यक्रमहरु हिन्दु धर्मावलम्बीहरुका लागि उच्च...