गाउँपालिका र आन्दोलनरत शिक्षकबीच सहमति भएपछि नियमित पठनपाठन सुरु

प्रभास दैलेखी
प्रकाशित मिती: २०७८ कार्तिक १४, १३: १३

डोटी । डोटीको आदर्श गाउँपालिका र आन्दोलनरत शिक्षकबीच सहमति भएको छ । सरकारले विद्यालय कर्मचारी तथा बाल विकास सहजकर्ताको तलब बृद्धिको निर्णय गाउँपालिकाले कार्यान्वयन नगरेको भन्दै आइतबारदेखि अनिश्चितकालका लागि पालिका भित्रका विद्यालय बन्दको घोषणा गरेको थियो ।

आन्दोलनरत शिक्षकहरुको चेतावनीपछि बसेको सर्वपक्षीय बैठकमा गाउँपालिकाले सरकारले गरेको निर्णय कार्यान्वयन गर्ने सहमति गरेको थियो । सरकारले गरेको निर्णय अनुसार तलब वृद्धिमा सहमति जुटेपछि आफ्नो निर्णय फिर्ता लगेको एक शिक्षकले बताए ।

आदर्श गाउँपालिकाका अध्यक्ष टेकबहादुर रोकायाका अनुसार विद्यालय कर्मचारी तथा बाल विकास सहजकर्ताको वृद्धि भएको तलब साउनदेखि दिने सहमति भएको भएको हो । स्थानीय स्रोतबाट उठ्नुपर्ने रकम उठेपछि सम्बन्धित शिक्षकहरुको खातामा रकम स्थानान्तरण गर्ने सहमति भएको छ । उनले भने, ‘सरकारले तलब वृद्धि गर्ने निर्णय गाउँपालिकाको बजेट तयारीभन्दा ढिला भएकोले समस्या भएको हो । सरकारको निर्णय हामीले पालना नगर्ने भन्ने हुँदैन । असारमा हाम्रो बजेट तयार भयो सरकारले साउनमा निर्णय सुनाउँदा समस्या भएको हो ।’

अहिले गाउँपालिका र आन्दोलनरत शिक्षकको सहमतिपछि विद्यालय नियमित पठनपाठन भइरहेको बताएका छन् ।

याे पनि…

३३ विद्यालय अनिश्चितकालका लागि बन्द

सम्बन्धित समाचार

पोखरा विमानस्थल भ्रष्टाचार : पूर्वमन्त्री कार्कीलाई १५ लाख धरौटीमा छाड्न आदेश

२०७८ कार्तिक १४, १३: १३

काठमाडौं : विशेष अदालतले नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीलाई पोखरा क्षेत्रीय अन्तर्राष्ट्रिय विमानस्थल निर्माणसँग सम्बन्धित भ्रष्टाचार मुद्दामा १५ लाख...