जेष्ठ नागरिकलाई निमोनियाविरुद्धको खोप लगाउन शुरु

प्रभास दैलेखी
प्रकाशित मिती: २०७८ कार्तिक १४, १४: ५४

काठमाडौं । जेष्ठ नागरिकलाई निमोनियाविरुद्धको खोप लगाउन शुरु गरेको छ । ललितपुर महानगरपालिकाले पहिलो चरणमा ७४ वर्षमाथिका जेष्ठ नागरिकलाई आइतबारदेखि निमोनियाविरुद्धको खोप लगाउन शुरु गरेको जनाएको हो ।

महानगरका अनुसार ७० बर्षभन्दा माथिका करिब ८ हजार संख्यामा जेष्ठ नागरिक रहेका छन् । पहिलो चरणमा ५ हजार २ सय जनालाई खोप दिइएपछि बाँकीलाई दोस्रो चरणमा खोप दिइने योजना रहेको प्रमुख प्रशासकीय अधिकृत गणेश अर्यालले जानकारी दिए । उनले भने, ‘ ७० वर्षभन्दा माथिका सबै नागरिकलाई खोप लगाउने हाम्रो लक्ष्य छ ।’

प्रशासकीय अधिकृतका अनुसार वडामा रहेको खोप केन्द्रमा विहान ११ बजेदेखि दिउँसो ४ बजेसम्म खोप लगाउन सकिने छ । खोप कार्यक्रम कात्तिक १७ गतेसम्म सञ्चालन गरिनेछ । नागरिकताको प्रमाणपत्र र वडा कार्यालयको सिफारिसको आधारमा निमोनियाविरुद्धको खोप (पीसीभी–१३०) दिन शुरु गरिएको उनले बताए ।

उनका अनुसनर दोस्रो चरण अन्तर्गत ७० देखि ७३ वर्ष उमेर समूहका जेष्ठ नागरिकलाई निमोनियाविरुद्धको खोप दिइनेछ ।