बागमतीमा मुख्यमन्त्री पाण्डेसंगै काे काे हुँदैछन् मन्त्री?

Raktim Dailekhi
प्रकाशित मिती: २०७८ कार्तिक ११, १३: ३४

हेटाैडा । बागमती प्रदेशको मुख्यमन्त्रीमा राजेन्द्र पाण्डे आज सफत लिदैछन् । पाण्डेलाई पाँच दलीय गठबन्धनमा रहेका नेकपा माओवादी केन्द्र, नेपाली कांग्रेस र जसपाको समर्थन रहेका छ ।

राजेन्द्र पाण्डे नेकपा एकीकृत समाजवादी बागमती प्रदेशका संसदीय दलका नेता हुन् । मुख्यमन्त्रीसंगै नयाँ मन्त्री बन्नेहरुको समेत टुंगो लागेको हो । मुख्यमन्त्रीसहित मन्त्री नियुक्तपछि आज दिउँसो साढे ३ बजे सपथ कार्यक्रमको गरिएको तयारी गरिएको प्रदेश प्रमुख कायालय स्रोतले जनाएको छ ।
पाण्डेको नेतृत्वमा बन्ने बागमती सरकारमा गठबन्धनबाट नयाँ सम्भावित मन्त्रीको नाम सार्वजनिक भएको छ । नेपाली कांग्रेसका कृष्ण भँडेल, नेकपा एकीकृत समाजवादीका कृष्ण खनाल र नेकपा माओवादी केन्द्रकी कुमारी मोक्तान मन्त्री बन्ने पक्कापक्की भएको गठबन्धनका नेताले बताउदै आएका छन् ।

मन्त्रालयको भागबन्डाका विषयमा गठबन्धनको बैठक बसिरहेको बताइएको छ । नेताहरुका अनुसार अर्थ मन्त्रालय कांग्रेसका कृष्ण भँडेलले पाउने चर्चा छ, एकीकृत समाजवादीका खनालले सामाजिक विकास मन्त्रालय पाउने सम्भावना रहेको छ र नेकपा माओवादी केन्द्रकी मोक्तानले आन्तरिक तथा मामिला मन्त्रालय पाउने सम्भावना छ । नेकपा माओवादी केन्द्रले यो मन्त्रालय लिने सहमति बनेमा पूर्वमन्त्री शालिकराम जम्मकट्टेल पनि सरकारमा सहभागी हुने बताइएको छ ।