- अनामनगर काठमाडौँ
- infobikalpa21@gmail.com
सिन्धपाल्चोक । नेपाली काँग्रेसको १४औं महाधिवेशन अन्तर्गत विभिन्न कारणले पटक–पटक स्थगित भएको नेपाली काँग्रेस सिन्धुपाल्चोकको अधिवेशन शक्रबारबाट सुरु भएको छ ।
सिन्धुपाल्चोक जिल्ला सदरमुकाम चौतारास्थित आजबाट सुरु अधिवेशन अन्तर्गत भोलि फागुन २८ गते नयाँ नेतृत्व चयनका लागि मतदानको कार्यक्रम रहेको बताइएको छ ।
काँग्रेस जिल्ला निर्वाचन अधिकृत देवबहादुर महतले अधिवेशन अन्तर्गत मतदानका लागि तालिका र मतदाता नामावली सार्वजनिक भइसकेको बताए ।
उनकाअनुसार आज दिउँसो १ः३० बजेदेखि ३ः३० बजेसम्म मनोनयन दर्ताको कार्यक्रम रहेको छ भने ४ः१५ मा उम्मेदवारको प्रारम्भिक नामावली सार्वजनिक गरिने र ५ः४५ बजेसम्म उम्मेदवारी माथि दावी विरोधको समय रहेको छ ।
त्यस्तै आज साँझ नै दावीविरोध उपर छलफल सके पछि साँझ ६ः४५ बजे उम्मेदवारको अन्तिम नामावली प्रकाशन गरिने निर्वाचन अधिकृत महतले बताए ।
अधिकृत महतले नयाँ नेतृत्व चयनका लागि भने शनिबार मतदान कार्यक्रम रहेको जानकारी दिए । मतदान भोलि बिहान ८ बजेबाट अपरान्ह ३ः३० बजेसम्म सकिने बताए भने आवश्यक प्रक्रिया पूरा गरी अपरान्ह ४ः१५ बजेबाट मतगणना हुने सक्ने उनले बताए ।
यता, नयाँ नेतृत्व हत्याउनका लागि संस्थापन पक्ष र संस्थापन इतर पक्षबाट ३ जना चुनावी दौडमा रहेको बताइएको छ । स्थापन पक्षबाट डा. प्रेमध्वज लामा र जंगबहादुर लामा निर्वाचनमा होमीएका छन् भने स्थापन इतर पक्षबाट वंशलाल तामाङ मैदानमा रहेका छन् ।
सिन्धुपाल्चोक काँग्रेसमा यसअघि संस्थापन इतर पक्षको बलियो भएको जिल्लाको रुपमा हेरिए पनि क्षेत्रीय प्रतिनिधि र महाधिवेशन प्रतिनिधिको संख्याका आधारमा भने जिल्लामा संस्थापन पक्षले बलियो देखिएको छ ।
काठमाडौं । नेकपा (एमाले) बाट बागमती प्रदेश सरकारमा सहभागी ६ जना मन्त्रीले गर्ने भनिएको सामूहिक राजीनामा अन्तिम समयमा स्थगित भएको...
काठमाडौं : कर्णाली प्रदेशका मुख्यमन्त्री यामलाल कँडेलविरुद्ध अविश्वासको प्रस्ताव दर्ता भएको छ । नेपाली कांग्रेस संसदीय दलको बैठकको निर्णयअनुसार कर्णाली...
काठमाडौं । प्रधानमन्त्री वालेन्द्र शाहले नेपालको पर्यटन प्रवर्द्धनका लागि सरकारले तीव्र गतिमा काम अघि बढाइरहेको बताउँदै होटल व्यवसायीहरूले उठाउँदै आएका समस्या...
