एमसीसी नेपाल र नेपालीकाे हितमा छ, काँग्रेसले यसकाे भ्रम अन्त्य गर्नेछः गृहमन्त्री खाँण

नयाँ विकल्प संवाददाता
प्रकाशित मिती: २०७८ चैत्र ६, १२: २४

पाल्पा । नेपाली काँग्रेस केन्द्रीय सदस्य एवम् गृहमन्त्री बालकृष्ण खाँणले मिलेनियम च्यालेन्ज कर्पोरेशन एमसिसी सम्झौता विद्युतीकरण, बाटो निर्माण र नेपालको गरिबी निवारणका लागि भएकाले राष्ट्र हितमा रहेको बताएका छन् ।

नेपाली कांग्रेस रामपुर नगरपालिका पाल्पाले शनिबार आयोजना गरेको कार्यक्रमलाई सम्बोधन गर्दै मन्त्री खाँणले एमसिसीबाट देशको सम्रह विकास हुने बताउँदै सम्झौता नेपालका लागि फाइदाजनक रहेको बताए । एमसीसी सझौताबाट देशमा रहेको बेरोजगारी समस्या केहि हदसम्म हट्ने बताउँदै देशमा नै रोजगारी बढ्ने, गरिबी हट्ने र अन्तर्राष्ट्रिय व्यापार समेत बढ्ने बताए ।

मन्त्री खाँणले नेपाली काँग्रेसका सभापति एवम् प्रधानमन्त्री शेरबहादुर देउवा नेतृत्वको सरकारले स्थानीय तह, प्रदेश र संघ सरकारको निर्वाचन गराउने बताउँदै स्थानीय तह निर्वाचनमा काँग्रेसलाई एक नम्बर पार्टी बनाउँन सबै नेता तथा कार्यकर्ताहरु एकताबद्ध भएर लाग्नुपर्ने बताए ।

घर–घर जाऔं, नेपाली काँग्रेस जिताऔं एक महिने राष्ट्रिय अभियानले नेपाली जनतामाझ केही राजनीतिक दलहरुले एमसीसीका विषयमा गरेका गलत प्रचार र भ्रमलाई अन्त्य गर्नेमा विश्वस्त रहेको बताए ।

त्यस्तै लुम्बिनी प्रदेश सरकारका पर्यटनमन्त्री डिल्लीबहादुर चौधरीले पाल्पा पर्यटन क्षेत्रको प्रचुर सम्भावना बोकेको ठाउँ रहेको बताउँदै प्रदेश सरकारबाट पर्यटन क्षेत्रमा सहयोग गर्दै जाने जानकारी दिए ।

सम्बन्धित समाचार

श्री ८ बालेन शाह प्रश्नभन्दा माथि छैनन् : कांग्रेस

२०७८ चैत्र ६, १२: २४

काठमाडौं : प्रमुख प्रतिपक्षी दल नेपाली कांग्रेसका सचेतक निश्कल राईले वर्तमान सरकारले प्रधानमन्त्री बालेन्द्र शाहलाई प्रश्न गर्न पाइँदैन भन्ने भाष्य...