- अनामनगर काठमाडौँ
- infobikalpa21@gmail.com
काठमाडौं । स्थानीय निर्वाचनको उम्मेदवारी मनोनयन दर्ताको मिति नजिकिएसँगै दलहरु वडा तहदेखि उम्मेदवार छनोटको प्रक्रियामा लागेका छन् ।
यसैबीच उम्मेदवार छनोटको प्रक्रियामा कांग्रेसले सत्ता गठबन्धनमा रहेका दलहरूको ‘ग्राउन्ड रियालिटी’ बारेमा पनि अन्तिम निष्कर्ष निकाल्न लागेको छ । कांग्रेसको ७५३ वटै स्थानीय तहमा वडा सदस्यदेखि पालिका अध्यक्षसम्मको उम्मेदवार छनोटको कामलाई अघि बढाएको छ ।
कांग्रेसको वडा अध्यक्षसम्मको उम्मेदवारको पहिलो नाम सिफारिस वडा कार्यसमितिले गर्छ भने पालिकाको प्रमुख र उपप्रमुखको उम्मेदवारको पहिलो नाम सिफारिस गाउँ नगर कार्यसमितिले गर्छ । उम्मेदवारको अन्तिम घोषणा गर्ने निकाय रहेको संसदीय समिति पनि छिट्टै गठन गर्न केन्द्रले निर्देशन दिएको छ ।
कांग्रेसको वडा अध्यक्षसम्मको उम्मेदवारको अन्तिम टुंगो प्रतिनिधिसभा संसदीय समितिले लगाउँछ भने गाउँपालिकाको अध्यक्ष र उपाध्यक्षको उम्मेदवार घोषणा जिल्ला संसदीय समितिले गर्छ । नगरपालिका र उपमहानगरपालिकाको प्रमुख र उपप्रमुख प्रदेश संसदीय समितिले टुंगो लगाउँछ ।
महानगरपालिकाको प्रमुख र उपप्रमुख केन्द्रीय संसदीय समितिले लगाउँछ । कांग्रेसको प्रत्येक पदका लागि शुरूमा एक महिलासहित बढीमा तीन जनाको नाम सिफारिस हुन्छ । मंगलबारसम्म देशभरको स्थानीय तहलाई माथिल्लो तहमा उम्मेदवारको नाम पठाउन भनिएको कांग्रेस प्रवक्ता डा. प्रकाशशरण महतले बताए ।
वडा, पालिका र प्रदेशसभा क्षेत्रीय कार्यसमितिको सिफारिसबमोजिम प्रतिनिधिसभा क्षेत्रीय कार्यसमिति सिफारिसअनुसार प्रतिनिधिसमा संसदीय समितिले वडाध्यक्ष र वडा सदस्य पदका उम्मेदवारको टुंगो लगाउनेछ । २५ गतेसम्म यो काम सम्पनन गर्न प्रतिनिधिसभा संसदीय समितिलाई निर्देश दिएको छ ।
प्रतिनिधिसभा क्षेत्रीय समितिले चैत्र २६ गते बैठक बसेर आफ्नो क्षेत्रका पालिकाको प्रमुख र उपप्रमुखका उम्मेदवारबारे रायसहित जिल्ला कार्यसमितिलाई सिफारिस गर्नेछ ।
यसैबीच सत्ता गठबन्धनमा रहेका दलहरूबीच स्थानीय आवश्यक्ताअनुसार चुनावी तालमेल गर्न सक्ने नीतिअनुरूप सबै स्थानीय तहलाई गठबन्धनमा रहेका दलहरूको ग्राउन्ड रियालिटी बुझेर प्रतिवेदन पठाउन पनि केन्द्रले निर्देश गरेको छ ।
काठमाडौं : नेपाली कांग्रेसले सुकुम्वासी समस्या समाधानका लागि साझा राष्ट्रिय दृष्टि निर्माण गर्न संसदमा सार्वजनिक महत्वको प्रस्ताव अघि बढाउन संसदीय...
काठमाडौं : प्रमुख प्रतिपक्षी दल नेपाली कांग्रेसका सचेतक निश्कल राईले वर्तमान सरकारले प्रधानमन्त्री बालेन्द्र शाहलाई प्रश्न गर्न पाइँदैन भन्ने भाष्य...
काठमाडौं । सम्पत्ति शुद्धीकरण (मनी लाउण्डरिङ) मुद्दाको अनुसन्धानका क्रममा पक्राउ परेका नेकपा (एमाले) का उपाध्यक्ष विष्णु पौडेललाई विशेष अदालतले थप...
