औपचारिक रूपमा तरुण दल अध्यक्ष विद्वान गुरुङले सम्हाले जिम्मेवारी

नयाँ विकल्प संवाददाता
प्रकाशित मिती: २०७८ चैत्र २१, १६: ०८

काठमाडौं । नेपाली काँग्रेसले भातृ संगठन नेपाल तरुण दलको नेतृत्व चयन गरेसंगै सोमबार नवनियुक्त अध्यक्ष विद्वान गुरुङले औपचारिक रुपमा जिम्मेवारी सम्हालेका छन् । तरुण दलको केन्द्रीय कार्यालयमा निवर्तमान अध्यक्ष जितजंग बस्नेतले नवनियुक्त अध्यक्ष गुरुङलाई पद हस्तान्तरण गरेका हुन् ।

पद हस्तान्तरण कार्यक्रममा नवनियुक्त अध्यक्ष गुरुङले आगामी बैशाख ३० गते सम्पन्न हुने स्थानीय तह निर्वाचनमा नेपाली काँग्रेसका आधिकारिक उम्मेदवारलाई देशैभर विजयी गराउन नेपाल तरुण दलले आफ्ना गतिविधिहरु देशैभर केन्द्रीत गर्ने बताए । गुरुङले पार्टी केन्द्रको नीति तथा निर्देशनअनुसार युवाहरु परिचालन गर्ने बताए । नेपाली काँग्रेसको नेतृत्वमा भएका राम्रा कामका बारेमा प्रचार गर्ने र एमसीसीका मुद्दामा कम्युनिष्टहरुले जनतामा छरेको भ्रमलाई चिर्ने जिकिर गरे । आफ्नो नेतृत्वमा अब स्थानीय तह निर्वाचन पछि बाँकी पदाधिकारीहरुको टुङ्गो लगाउँदै पूर्णता दिने बताए ।

त्यस्तै कार्यक्रममा निवर्तमान अध्यक्ष जितजंग बस्नेतले नवनियुक्त अध्यक्ष गुरुङको कार्यकाल सफल र उदारणीय बनोस भनि शुभकामना दिए । गुरुङको नेतृत्वलाई सफल बनाउँन बनाउन आफ्नो महत्वपूर्ण भूमिका रहने बताए ।

नेपाली काँग्रेसका सभापति एवम् प्रधानमन्त्री शरेबहादुर देउवाले गुरुङलाई यही चैत ९ गते तरुण दलको अध्यक्षमा मनोनित गरेका थिए ।

सम्बन्धित समाचार

शीर्ष नेताको घर घर गइसकें, तर उहाँहरुले मेरो घर देख्नुभएको छैन : सभापति थापा

२०७८ चैत्र २१, १६: ०८

काठमाडौं : नेपाली कांग्रेसको क्रियाशील सदस्यता अद्यावधिक र नयाँ क्रियाशील सदस्यता वितरणको समयसीमा नजिकिँदै गर्दा नेपाली कांग्रेसले आन्तरिक छलफल गर्दै...

झापाको कजुवे–रातेखालमा तत्काल पुल बनाउन सांसद इन्दिरा राना मगरको माग

२०७८ चैत्र २१, १६: ०८

काठमाडौं । राष्ट्रिय स्वतन्त्र पार्टी (रास्वपा) की सांसद इन्दिरा राना मगरले झापाको कजुवे–रातेखाल क्षेत्रमा पुल निर्माणमा भएको ढिलाइका कारण स्थानीयवासी,...