वैतेश्वर गाउँपालिका अध्यक्षमा काँग्रेसबाट छवि लामाको उम्मेदवारी

नयाँ विकल्प संवाददाता
प्रकाशित मिती: २०७९ बैशाख १०, १८: ३७

काठमाडौं । नेपाली काँग्रेसका तर्फबाट दोलखाको वैतेश्वर गाउँपालिका अध्यक्षमा फेरी छवि लामाको उमेदवारी सर्वसम्मत भएको छ ।

तामाङ, क्षेत्री, बाम्ह्रण, जिरेल, थामि लगायत जातजातिको बाहुल्यता रहेको यस गाउँपालिकामा छविले राम्रो काम गरेकाले पुन अध्यक्षमा दाहो¥याउने निर्णय गरेको काँग्रेस कार्याकर्ताले बताएका छन् ।

सबैको साथ, वैतेश्वरको विकास भन्ने नारालाई चरितार्थ गर्न सक्षम भएकाले स्थानीयको आवाज उठेपछि पार्टीले उनलाई नै अघि सारेको वैतेश्वर काँग्रेस कार्यकर्ताले बताए ।

काँग्रेस, माओवादी केन्द्र, एमालेलगायत पार्टीले आफ्नो पक्षमा चुनावी माहोल बनाउन अभियान थालेका बेला आफुले बिजय हासिल गर्ने लामाले दावी गरे ।

१७ हजार ४ सय ६५ मतदाता भएको यो गाउँपालिकामा यसअघिको निर्वाचनमा पनि छवि लामा नै विजयी भएका थिए । अहिले एमाले विभाजित भएको तथा पार्टीको उपस्थिति थप प्रभावकारी भएकाले आफू नै विजयी हुने दाबी काँग्रेसले गरेको छ ।

बैतेश्वरका ८ वटा वडामध्ये कांग्रेसले ४ वटामा, एमालेले ३ वटा र माओवादी केन्द्रले १ वडामा जितेका थिए । अघिल्लो निर्वाचनमा लामाले ७ हजार १ सय २९ मत प्राप्त गरेका थिए भने उनका निकटतम् प्रतिद्वन्द्वी एमालेका ऋषिकेश उप्रेतीले ५ हजार ८ मत प्राप्त गरेका थिए ।

सम्बन्धित समाचार

श्री ८ बालेन शाह प्रश्नभन्दा माथि छैनन् : कांग्रेस

२०७९ बैशाख १०, १८: ३७

काठमाडौं : प्रमुख प्रतिपक्षी दल नेपाली कांग्रेसका सचेतक निश्कल राईले वर्तमान सरकारले प्रधानमन्त्री बालेन्द्र शाहलाई प्रश्न गर्न पाइँदैन भन्ने भाष्य...