काँग्रेस नेतृ सिंहले गराइन् काठमाडौंको मेयरमा मनोनयन दर्ता

काठमाडौं । नेपाली काँग्रेसले काठमाडौं महानगरपालिकाको प्रमुखमा टिकट, नेपालको हरेक राजनीतिक परिवर्तनमा अनवरत संघर्ष गरेको र २०४६ सालको जनआन्दोलनका सर्वोच्च कमाण्डर नेपाली काँग्रेसका सस्थापक नेता गणेशमान सिंहको निवास चाक्सीबारीबाट नेपाली काँग्रेसकी उम्मेदवार सिर्जना सिंहलाई दिएको छ ।

पार्टीले महानगरको उम्मेदवारमा सिफारिस गरेसंगै नेपाली काँग्रेसकी नेतृ सिर्जना सिंहले सोमबार दिउँसो राष्ट्रिय सभागृहस्थित निर्वाचन अधिकृतको कार्यालयमा पुगेर मनोनयन दर्ता मनोनयन दर्ता गराएकी छन् ।

काँग्रेस नेतृ सिर्जना सिंहले मनोनयन दर्ताका क्रममा पत्रकारहरुसंगको कुराकानी गर्दै नेपालको राजनीतिक परिवर्तनमा, प्रजातन्त्रदेखि लोकतान्त्रिक गणतन्त्र स्थापनासम्मका हरेक परिवर्तनमा आफ्नो परिवारको योगदान रहेकाले आफूले महानगरमा जितेमा महिलाहरुका लागि गृहिणी भत्ता र विधुर भत्ताको व्यवस्था गर्ने, ज्येष्ठ नागरिकका लागि अस्पताल सञ्चालन गर्ने, युवाहरुका लागि महानगरमा योग्यता अनुसारको रोजगारीको सृजना गर्ने योजना रहेको बताइन् ।

विगतबाट नै नेपालमा प्रजातन्त्र प्राप्तीको आन्दोलनमा आफु लागेको स्मरण गर्दै नेतृ सिंहले नेपाली काँग्रेसको मार्गदर्शक सिद्धान्तमा सधै अडिग रहने प्रतिवद्धता व्यक्त गरिन् । नेपालको प्रजातन्त्र पुनः स्थापना, जनतालाई रैतीबाट नागरिकको हैसियतमा पु¥याउन जीवनको आहुतिनै दिएका नेपालका लौह पुरुष गणेशमान सिंह र मंगलादेवी सिंहको बुहारी भएका नाताले उहाँहरुले देखाएको बाटोलाई शिरोपर गर्दै राजनीतिमा अगाडी बढ्ने प्रतिवद्धता व्यक्त गरिन् ।

सभागृहस्थित उम्मेदवारी दर्ता र्‍यालीमा काठमाडौं महानगरकी उपमेयर हरिप्रभा खड्गीसंगै नेपाली काँग्रेसका प्रभावशाली नेता प्रकाशमान सिंह र छोरा प्रभासमान सिंह पुगेका थिए । उक्त र्‍यालीमा नेपाली काँग्रेसका नेता तथा कार्यकर्ताहरुको पनि सहभागी रहेको छ ।

सम्बन्धित समाचार

सुकुम्वासीलाई सुरक्षित स्थान होइन, अझ ठुलो जोखिममा धकेलियो : आङ्देम्बे

• २०७९ बैशाख १२, १६: २१

काठमाडौं : प्रमुख विपक्षी नेपाली कांग्रेसका संसदीय दलका नेता भीष्मराज आङ्देम्बेले सुकुम्वासी बस्तीबाट हटाइएका नागरिकलाई सरकारले सुरक्षित व्यवस्थापन गर्न नसकेको...

होल्डिङ्ग सेन्टरका सुकुम्बासीलाई प्राकृतिक विपत्ति देखाएर सरकारले गम्भीर खेलवाड गरिरहेको छ – प्रमुख सचेतक थापा ।

• २०७९ बैशाख १२, १६: २१

काठमाडौँ ।  संसदको प्रमुख प्रतिपक्षी दलको प्रमुख सचेतक वासना थापाले सामाजिक सँजाल मार्फत सरकारलाई खवरदारी गरेकि छिन ।उनले सुकुम्बासीहरुलाई सुरक्षित...

शीर्ष नेताको घर घर गइसकें, तर उहाँहरुले मेरो घर देख्नुभएको छैन : सभापति थापा

• २०७९ बैशाख १२, १६: २१

काठमाडौं : नेपाली कांग्रेसको क्रियाशील सदस्यता अद्यावधिक र नयाँ क्रियाशील सदस्यता वितरणको समयसीमा नजिकिँदै गर्दा नेपाली कांग्रेसले आन्तरिक छलफल गर्दै...