कसले मार्ला वाजी ? स्थापितलाई सहजै उछिन्ने दाउमा सिर्जना सिंह

काठमाडौं । स्थानीय तहको चुनावी सर्गमी बढिरहेका बेला काठमाडौं महानगरपालिकाको चुनावी माहोल निकै तातिएको छ । मेयरमा धेरै जनाको प्रतिस्पर्धा भएपनि यतिबेला तीन जनाको चर्चा राजधानिमा चल्न थालेको छ ।

युवामा बालेनको चर्चा धेरै छ भने राजनीतिमा सिह र स्थापितको चर्चा धेरै छ । तर पछिल्लो समय स्थापितमा मिटुको चर्चाले केही कम्जोर स्थिति सृजना गर्ने देखिन्छ भने सिंह बलियो प्रतिस्पर्धिका रुपमा देखिएकी छन् ।

तर जनताले कसलाई छान्छन् भन्ने चासो बढ्दै गएको छ भने एर्को तर्फ वाजी कसले मार्ला भन्नेमा चिन्ता र चाँसो देखिएको छ । राजधानीवासीले मुख्य चासो पूरा गर्न कसलाई मेयरको नेतृत्वमा पुर्‍याउलान भन्ने विषय बढिरहेको छ ।

त्रिपुरेश्वर, भोटेबहाल, गणबहाल, लगन, वसन्तपुर, भीमसेनस्थान, असन, बांगेमुडा, नरदेवी, ठमेलका मतदाताले मेयर उम्मेदवार कांग्रेसकी सिर्जना सिंहलाई बढी मन पराएको देखियो भने दोस्रोमा केशव स्थापितको पक्षमा माहोल देखिएको छ ।

त्यस्तै युवामा भने बालेन शाह नै अग्रपंतिमा देखिएका छन् । मतदाताले म यहाँ मत हाल्छु भनिरहदा माहोल परिवर्तन पनि हुने देखिन्छ । पाँच वर्षअघिको चुनावमा नेवार समुदायको बाहुल्यता रहेको क्षेत्रमा एमाले र कांग्रेसबीच प्रतिस्पर्धा भएको थियो ।

यसपालि पनि यी दुई दलबीच नै कडा प्रतिस्पर्धा देखिदै छ । राप्रपालगायत अन्यदलले जित्ने बलियो आधार पेश गरेपनि मतदाताको भनाइअनुसार माहोल त्यति देखिदैन । पाँच वर्षअघिको चुनावमा एमाले उम्मेदवार विद्यासुन्दर शाक्य र कांग्रेसका राजुराज जोशीबीच प्रतिस्पर्धा भएको थियो ।

शाक्यले मेयरमा ६५ हजार भोट पाएका थिए भने जोशीले ४५ हजार मत पाएका थिए । उबेला नेवार समुदायले शाक्यलाई रोजेका थिए भने यसपालिको माहोल कांग्रेसकी सिर्जना सिंहको पक्षमा देखिएको छ । अघिल्लोपटक एमालेलाई भोट दिएकाहरु नै यसपालि सिंहलाई दिन्छु भन्ने धेरै भेटिएका छन् ।

कतिपय काँग्रेस हुँ तर मत स्थापितलाई दिन्छु भन्नेहरु पनि भेटिए । यसपालि म सिर्जना सिंहलाई चान्स दिन्छु भन्ने महिलाहरु बढी देखिएका छन्। काम गर्ने तौरतरिका कस्तो छ यसपाली हेर्नु पर्ने भएकाले सिहलाई भोट दिन्छु भन्ने उपत्यकामा धेरै भेटिए ।

अघिल्लो चुनावमा एमालेलाई गएको कांग्रेसको भोट यसपालि सिर्जना सिंहले आफ्नो पक्षमा ल्याउने बलियो आधार धेरै भएको काँग्रेसको दावी छ । गठबन्धनका कारण माओवादी र एकीकृत समाजवादीका केही भोट पनि कांग्रेसलाई आउँने छ ।

पुरुषहरुले केशव स्थापित नै बलियो देखिन्छन भने महिलाको बहुमत पक्ष सिर्जना सिंहलाई नै जिताउनुपर्ने पक्षमा देखिन्छन् । यता युवापंतिको भने यसपटक बालेन शाहलाई नै रोज्नु पर्ने दावी छ । मेयरमा स्वतन्त्र उम्मेदवारी दिएका गायक शाहले कस्तो गर्ने छन् ? त्यो भने निर्वाचन पछि मात्रै थाह हुनेछ ।