- अनामनगर काठमाडौँ
- infobikalpa21@gmail.com
काठमाडौं । नेकपा क्रान्तिकारी माओवादीका महासचिव मोहन बैद्य किरणले नेपालमा अवसरवादी कम्युनिष्टहरु रहेको बताएका छन् ।
नेपाल कम्युनिष्ट पार्टीको स्थापना दिवसका अवसरमा नेकपा क्रान्तिकारी माओवादीले शुक्रबार काठमाडौंमा आयोजना गरेको कार्यक्रमलाई सम्बोधन गर्दै महासचिव बैद्यले क्रान्तिकारीहरुमा अवसरवादले राज गरेका कारण मुलुकले धेरै समस्या भोगेको बताएका हुन् । अवसरमात्र खोजेर बस्ने नेपालका कम्युनिष्ट पार्टीहरुले देशलाई यो हालतमा धकेलेको आरोप लागाए ।
कार्यक्रममा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीको नेतृत्वमा रहेको पार्टीप्रति कटाक्ष गर्दै नवप्रतिक्रियावादी भएको टिप्पणी गरे । देशमा चलेको शशस्त्र जनयुद्धका बेला प्रतिकृयावादीको रक्षा कबज भन्दै एमाले प्रवृतिका विरुद्ध संघर्ष गरेको र पछि गएर अवसर खोज्दै प्रचण्डले त्यही एमालेसंग एकता गरको जिकिर गरे ।
बैद्यले सामन्तवादको पक्ष पोषणा रहेको नेपाली कांग्रेसलाई टेको लगाएर प्रचण्ड गठबन्धन सरकारमा बसेको टिप्पणी गर्दै गठबन्धनको सरकारले पनि देशमा कुनै परिवर्तन नल्याउने बताए । पुरानो राज्यसत्ता हटाउनसंगै लडेपछि ओली र प्रचण्डलाई अहिले पुरानो राज्यसत्ताको बन्दुकले बचाइरहको कटाक्ष गरे ।
पञ्चायतमा अन्य दललाई दमन गर्न जे कदम चालिएको थियो, अहिलेको कम्युनिष्टहरुले पनि सोही कदम चालिरहेको तर्क गर्दै बैद्यले नवप्रतिक्रियावादीसंग लड्नका लागि बिचार मिल्ने कम्युनिष्टहरुबीच एकता गर्नुपर्ने औंल्याए ।
काठमाडौं : बागमती प्रदेश सरकारले प्रदेशलाई औपचारिक रूपमा ‘सडक आश्रित सहयोगापेक्षी मानवमुक्त प्रदेश’ घोषणा गरेको छ। सामाजिक विकास मन्त्रालयद्वारा आयोजित...
काठमाडौँ : सर्वोच्च अदालतले सरकारद्वारा गठित ‘सम्पत्ति जाँचबुझ छानबिन आयोग’ को कामकारबाही तत्काल अगाडि नबढाउन अन्तरिम आदेश जारी गरेको छ...
काठमाडौँ : गणेश नेपाली आत्मदाह घटनाको छानबिन गर्न डिआइजीको नेतृत्वमा छानबिन समिति गठन गरिएको छ । आज गृहमन्त्री सुधन गुरुङले...
