- अनामनगर काठमाडौँ
- infobikalpa21@gmail.com
काठमाडौं । नेपाली कांग्रेसले पार्टीको विशेष महाधिवेशनबाट निर्वाचित सभापति गगनकुमार थापालाई आम निर्वाचनपछिको प्रधानमन्त्रीको उम्मेदवार घोषणा गरेको छ । पार्टी केन्द्रीय कार्यालय सानेपामा शुक्रबार बसेको केन्द्रीय कार्यसमिति बैठकमा उपसभापति विश्वप्रकाश शर्माको प्रस्ताव र अर्का उपसभापति पुष्पा भुसालको समर्थनपछि बैठकले ‘विशिष्ट परिस्थितिको माग’ भन्दै सभापति थापालाई प्रधानमन्त्रीको उम्मेदवार घोषणा गर्ने निर्णय गरेको हो । यहि फागुन २१ गते हुने प्रतिनिधिसभा निर्वाचनका लागि माघ ६ गते १६५ वटै निर्वाचन क्षेत्रमा मनोनयनपत्र दर्ता भएपछि बसेको केन्द्रीय समिति बैठकले यस्तो निर्णय गरेको हो ।
भदौ २३ र २४ गतेको जेन जी विद्रोहपछि कांग्रेसभित्र नेतृत्व हस्तान्तरणको बहस अघि बढिरहेका बेला निर्वाचनपछि नियमित १५औं महाधिवेशन कि निर्वाचनअघि नै विशेष महाधिवेशनको मुद्धाले कांग्रेसभित्र चर्को विवाद शुरु भएको थियो । यहि विवादका बीच तत्कालीन महामन्त्रीद्धय थापा र शर्माको अगुवाईमा भएको विशेष महाधिवेशनले जेन जी विद्रोहपछिको जनमतलाई सम्बोधन गर्दै नेतृत्व चयन गरेको हो । यद्यपि यो प्रकृयामा सभापति शेरबहादुर देउवा र बरिष्ठ नेता डा. शेखर कोइराला पक्षीय नेताहरु सहमत थिएनन् । त्यसका बाबजुद सम्पन्न महाधिवेशन र त्यसबाट चुनिएका सभापति थापाको हस्ताक्षरलाई सहज रुपमा लिदैं देउवा र कोइराला पक्षीय नेताहरुले मनोनयन पत्र दर्ता गरेसंगै कांग्रेसभित्रको विवाद अन्त्य त भएको छ नै, साथै त्यसले कांग्रेसको पक्षमा देशव्यापी जनलहर ल्याएको छ । यसो हुँदा पछिल्लो करिब एक महिनाको मिडिया कांग्रेसकै राजनीति वरिपरि घुमिरहेको छ ।
जेनजी आन्दोलनले उठाएका मुद्दालाई स्वामित्व लिएर मुलुकमा सुशासन स्थापित गर्ने संकल्प र योजनाका साथ कांग्रेसले नयाँ ढंगबाट बाटो तय गरेको हो । खासगरी युवापुस्तामाझ लोकप्रिय नेता थापालाई अघि सार्दा निर्वाचनमा युवाहरुको साथ र सहयोगले निर्वाचन परिणाम आफ्नो पक्षमा आउने कांग्रेसको बिश्वास छ । अर्कातिर, कांग्रेसको सरकार बनाउने अवस्था आएमा प्रधानमन्त्रीको उम्मेदवार को हो त भन्ने अन्यौल हटाउन कांग्रेसले थापालाई प्रधानमन्त्रीको प्रस्ताव गर्दै अघि सारेको हो । नेपालको जगका रुपमा रहेको मधेशमा सभापति थापालाई भावी प्रधानमन्त्रीका रुपमा उभ्याएर कांग्रेसले देश निर्माण गर्न चाहेको यसबाट बुझ्न सकिन्छ ।
कांग्रेसले निर्वाचनअघि नै आफ्नो नेतालाई प्रधानमन्त्रीको प्रस्ताव गरेको यो पहिलो पटक भने होइन । यसअघि नेता कृष्णप्रसाद भट्टराईलाई पनि भावी प्रधानमन्त्रीका रुपमा प्रस्ताव गरेको थियो ।
यहि वीचमा कांग्रेसले प्रधानमन्त्रीका रुपमा अघि सारेका सभापति थापा यसअघिका दुई वटा निर्वाचनमा आफूले लगातार जित हात पार्दै आएको काठमाडौं क्षेत्र नं ४ छाडेर माघको ठण्डीमा मधेश ओर्लेका छन् । उनले नेपाली कांग्रेसको पकड रहदै आएको सर्लाही क्षेत्र नं ४ लाई रोजेका छन् । हिजोका दिनमा कांग्रेसको भोट बैंक भनेकै मधेश थियो । जतिबेला मधेशले कांग्रेसलाई साथ दियो त्यतिबेला कांग्रेसको नेतृत्वमा पटक पटक सरकार गठन भएको थियो । तर जब मधेशबाट कांग्रेस क्रमशः कमजोर भयो तब कांग्रेसको नेतृत्वमा सरकार गठन हुन मुस्किल भएको हो । त्यसकारण हिजोको भोट बैंकलाई पुनः आफ्नो पक्षमा फर्काउन पनि कांग्रेसलाई मधेशबाट प्रधानमन्त्रीको नयाँ कार्ड अघि सारेको हो । यो त्यहि क्षेत्र हो जहाँ २०७९ को प्रतिनिधिसभा निर्वाचनमा स्वतन्त्र हैसियतमा अमरेश सिंहले जित हात पारेका थिए ।
जतिबेला उनले कांग्रेसले आफूलाई टिकटबाट बंचित गरेका कारण स्वतन्त्र उम्मेदवारी दिन बाध्य भएको भन्दै कांग्रेसजनहरुसंग मत मागेका थिए । कांग्रेसले टिकट नदिएपछि स्वतन्त्र उम्मेदवारी दिएका सिंह २० हजार १७ मतसहित प्रतिनिधिसभा सदस्यमा निर्वाचित भएका थिए । उनका निकटतम प्रतिद्वन्द्वी कांग्रेस उम्मेदवार नागेन्द्र कुमारले १८ हजार २५३ मत पाएका थिए । उनलाई तत्कालीन नेकपा माओवादी केन्द्र र नेकपा एकीकृत समाजवादीले सघाएका थियो । निर्वाचनमा सर्लाही–४ का अर्का स्वतन्त्र उम्मेदवार मधुमाला कुमारी यादव १४ हजार ६२२ मत पाएर तेस्रो भएकी थिइन् । चौथो भएका जसपा नेपालका राजेशकुमार मिश्र ५ हजार ८१३ पाएका थिए । नेता सिंह प्रवेश गरेको दल रास्वपाका उम्मेदवार धिरज ठाकुर ३१८ पाएर नवौं स्थानमा आएका थिए । उनै सिंहको यस पटक कांग्रेसमा प्रवेश गरी टिकट लिने चाहना थियो । तर कांग्रेसले टिकट नदिएपछि उनले आगामी निर्वाचनमा राष्ट्रिय स्वतन्त्र पार्टीका तर्फबाट सो क्षेत्रमा उम्मेदवारी दिएका छन् । त्यस हिसावले यो पटक रास्वपाबाट उम्मेदवारी दिएका कारण सिंहको अवस्था ज्यादै कमजोर हुँदै गएको देखिन्छ । अर्कातिर, कांग्रेसले भावी प्रधानमन्त्री घोषणा गरेका सभापति थापा मधेशका जनताको माग अनुसार नै सर्लाही झरेका हुन् । त्यसअर्थमा मधेशका जनताका लागि यो पहिलो अवसर बन्दै छ कि आफूले मत दिएर पठाएको जनप्रतिनिधिलाई प्रधानमन्त्रीका रुपमा हेर्न पाउने ।
जुन ऐतिहासिक अवसर गुमाउनु भन्दा पनि अत्याधिक मत दिएर नयाँ रेकर्ड बनाउन चाहन्छन् । त्यसकारण पनि सर्लाही क्षेत्र नं ४ ले यतिबेला सिंगो मुलुकको ध्यान खिचेको छ । मिडियाहरु पनि समाचारका लागि सर्लाही क्षेत्र नं ४ तिर केन्द्रित हुन थालेका छन् । स्वतन्त्र विश्लेषकहरुको भनाईमा कांग्रेस सभापति गगनको यात्रालाई अब कसैले रोक्न सक्ने छैन । सर्लाही–४ मा नेकपा एमालेबाट अमनिशकुमार यादव, नेपाली कम्युनिस्ट पार्टीबाट रजनिश राय, जनता समाजवादी पार्टी (जसपा) नेपालबाट रामेश्वर राय यादव, जनमत पार्टीबाट राकेश मिश्रलगायत उम्मेदवार छन् ।
त्यसो त एमालेले केपी ओली र राष्टिय स्वतन्त्र पार्टीले काठमाडौं महानगरपालिकाका निवर्तमान प्रमुख बालेन्द्र साहलाई भावी प्रधानमन्त्रीका रुपमा अघि सारेका छन् । रास्वपा अध्यक्ष रवि लामिछानेको क्रेज धुलिसात भएपछि सो पार्टीले बालेनलाई महानगरको प्रमुखबाट राजीनामा दिन लगाएर पूर्वी नेपालको झापामा पुर्याएको छ । यो त्यहि निर्वाचन क्षेत्र हो जहाँबाट एमाले अध्यक्ष ओली निर्वाचित हुँदै आएका छन् । प्रधानमन्त्रीका हैसियतमा ओलीले सो क्षेत्रमा गरेको विकास अरुहरुका लागि समेत अनुकरणीय भएको छ । त्यसकारण सर्लाही क्षेत्र नं ४ जस्तै झापा क्षेत्र नं ५ ले पनि यतिबेला सिंगो मुलुकको राजनैतिक ध्यान खिचेको देखिन्छ ।
अर्कोतिर कांग्रेको विशेष महाअधिवेसनले नीति र नेतृत्व परिवर्तन गरेसँगै यसपटकको आम निर्वाचन मा पटकपटक सरकारमा रहेर विभिन्न काण्डमा मुछिएका विवादित छविलाई टिकट नदिदा र टिकट वितरणमा आर्थिक चलखेल नदेखिएकाले जेनजी पुस्तादेखि सर्वसाधारण जनता पनि कांग्रेसप्रति उत्साहित देखिएका छन । (नयाँ विकल्प साप्ताहिकबाट)
काठमाडौं । निर्वाचन आयोगले ‘अस्थायी मतदाता नामावलीसम्बन्धी कार्यविधि २०८२’ जारी गरेको छ ।आयोगले प्रतिनिधिसभा सदस्य निर्वाचनअन्तर्गत समानुपातिक निर्वाचन प्रणालीअनुसार हुने निर्वाचनको...
काठमाडौँ- नेपालमा आमनिर्वाचन प्रारम्भ भई बालिग नेपालीले आफ्नो मताधिकार उपयोग गर्न पाएको महत्त्वपूर्ण दिनको सम्झनामा बिहीबार दसौँ निर्वाचन दिवस मनाइँदै छ।...
जनकपुरधाम : नेपाली कांग्रेसका सभापति गगन थापाले मधेशको वर्तमान वित्तीय संरचना खलबलिएको बताउँदै मिटरब्याज, लघुवित्त र सहकारी क्षेत्रमा देखिएका विकृति...
