
काठमाडौँ । नेपाली पर्वतारोहणका जीवित किंवदन्ती Kami Rita Sherpa ले विश्वकै सर्वोच्च शिखर सगरमाथामा ३२औँ पटक सफल आरोहण गर्दै आफ्नै विश्व कीर्तिमानलाई फेरि विस्तार गरेका छन् ।
५६ वर्षीय कामिरिताले आइतबार बिहान १० बजेर १२ मिनेटमा सगरमाथाको चुचुरोमा पुगेर इतिहासमा अर्को गौरवपूर्ण अध्याय थपेका हुन् । यसअघि उनले गत वर्ष जेठ १३ गते ३१औँ पटक सगरमाथा आरोहण गरेका थिए ।
कामिरिताले विसं २०८१ को एकै सिजनमा २९ र ३०औँ पटक सगरमाथा आरोहण गरेर नयाँ कीर्तिमान बनाएका थिए । त्यसअघि विसं २०७९ को वसन्त ऋतुमा पनि उनले दुई पटक सगरमाथा आरोहण गर्न सफल भएका थिए ।
सन् २०२३ मे १७ मा उनले २७औँ पटक सगरमाथाको सफल आरोहण गरेका थिए भने केही दिनमै पुनः दोस्रोपटक चुचुरोमा पुग्दै अर्को उपलब्धि हासिल गरेका थिए । सन् २०२२ मा डोरी टाँग्ने अभियानका क्रममा उनले २६औँ पटक सगरमाथा आरोहण पूरा गरेका थिए ।
सगरमाथामात्र होइन, उनले आठ पटक चोयु, तीन पटक मनास्लु, एक पटक ल्होत्से र एक पटक केटु आरोहण गरिसकेका छन् । यससँगै उनले विश्वका आठ हजार मिटरभन्दा अग्ला हिमालहरूमा ४० पटक सफल आरोहणको कीर्तिमान कायम गरेका छन् ।
सन् १९९४ मे १३ मा पहिलोपटक सगरमाथाको चुचुरोमा पुगेका कामिरिता शेर्पा आज विश्व पर्वतारोहण क्षेत्रकै प्रेरणादायी व्यक्तित्वका रूपमा परिचित छन् । उनको यो उपलब्धिले नेपालको पर्वतारोहण इतिहासलाई थप गौरवान्वित बनाएको छ ।
काठमाडौं : संघीय संसद्का दुवै सदनको बैठक बुधबार छुट्टाछुट्टै बस्ने भएको छ। संघीय संसद् सचिवालयका अनुसार प्रतिनिधिसभाको बैठक बिहान ११...
वीरगञ्ज : भारत सरकारले नेपाललाई १० वटा कैदी बोक्ने ट्रक हस्तान्तरण गरेको छ । भारतका वीरगञ्जस्थित महावाणिज्यदूत देवी सहाय मीणाले...
काठमाडौं : वीरगञ्ज महानगरपालिकाका मेयर राजेशमान सिंहविरुद्ध पक्राउ पुर्जी जारी भएको छ । जिल्ला अदालत पर्साले आज मेयर सिंहविरुद्ध पक्राउ...