- अनामनगर काठमाडौँ
- infobikalpa21@gmail.com
काठमाडौँ । नेपाली पर्वतारोहणका जीवित किंवदन्ती Kami Rita Sherpa ले विश्वकै सर्वोच्च शिखर सगरमाथामा ३२औँ पटक सफल आरोहण गर्दै आफ्नै विश्व कीर्तिमानलाई फेरि विस्तार गरेका छन् ।
५६ वर्षीय कामिरिताले आइतबार बिहान १० बजेर १२ मिनेटमा सगरमाथाको चुचुरोमा पुगेर इतिहासमा अर्को गौरवपूर्ण अध्याय थपेका हुन् । यसअघि उनले गत वर्ष जेठ १३ गते ३१औँ पटक सगरमाथा आरोहण गरेका थिए ।
कामिरिताले विसं २०८१ को एकै सिजनमा २९ र ३०औँ पटक सगरमाथा आरोहण गरेर नयाँ कीर्तिमान बनाएका थिए । त्यसअघि विसं २०७९ को वसन्त ऋतुमा पनि उनले दुई पटक सगरमाथा आरोहण गर्न सफल भएका थिए ।
सन् २०२३ मे १७ मा उनले २७औँ पटक सगरमाथाको सफल आरोहण गरेका थिए भने केही दिनमै पुनः दोस्रोपटक चुचुरोमा पुग्दै अर्को उपलब्धि हासिल गरेका थिए । सन् २०२२ मा डोरी टाँग्ने अभियानका क्रममा उनले २६औँ पटक सगरमाथा आरोहण पूरा गरेका थिए ।
सगरमाथामात्र होइन, उनले आठ पटक चोयु, तीन पटक मनास्लु, एक पटक ल्होत्से र एक पटक केटु आरोहण गरिसकेका छन् । यससँगै उनले विश्वका आठ हजार मिटरभन्दा अग्ला हिमालहरूमा ४० पटक सफल आरोहणको कीर्तिमान कायम गरेका छन् ।
सन् १९९४ मे १३ मा पहिलोपटक सगरमाथाको चुचुरोमा पुगेका कामिरिता शेर्पा आज विश्व पर्वतारोहण क्षेत्रकै प्रेरणादायी व्यक्तित्वका रूपमा परिचित छन् । उनको यो उपलब्धिले नेपालको पर्वतारोहण इतिहासलाई थप गौरवान्वित बनाएको छ ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : लायन्स अन्तर्राष्ट्रिय डिष्ट्रिक ३२५एफ अन्तर्गत क्लस्टर २ द्वारा आयोजित एक दिवसीय ‘लिडरसिप ओरियन्टेसन एन्ड अनुअल प्लानिङ वर्कसप’ लायनहरुमा...
काठमाडौं : राष्ट्रिय सभाको आजको बैठकमा सांसदहरुले जनसरोकारका विभिन्न विषयमा सरकारको ध्यानाकर्षण गराएका छन् । आजको बैठकको शून्य समयमा राष्ट्रियसभा सदस्य...
