आज विश्वभर अन्तर्राष्ट्रिय मित्रता दिवस मनाइँदै, मित्रताको महत्व स्मरण गर्ने दिन – Naya Bikalpa
November 22, 2026, Sunday      Epaper

आज विश्वभर अन्तर्राष्ट्रिय मित्रता दिवस मनाइँदै, मित्रताको महत्व स्मरण गर्ने दिन

काठमाडौँ ।  आज (३० जुलाई) विश्वभर अन्तर्राष्ट्रिय मित्रता दिवस विविध कार्यक्रमका साथ मनाइँदै छ। नेपालसहित अधिकांश देशहरूले मित्रताको भावना, आपसी विश्वास, सहकार्य र सामाजिक सद्भावलाई प्रवर्द्धन गर्ने उद्देश्यले यो दिवस मनाउने गरेका छन्।

संयुक्त राष्ट्रसंघको महासभाले सन् २०११ मा जुलाई ३० लाई अन्तर्राष्ट्रिय मित्रता दिवस (International Day of Friendship) का रूपमा आधिकारिक मान्यता दिएको हो। यस दिवसले व्यक्ति, समुदाय र राष्ट्रबीच मित्रता तथा पारस्परिक समझदारीलाई सुदृढ बनाउन प्रेरित गर्ने विश्वास गरिएको छ।

मित्रता दिवस मनाउने अवधारणाको सुरुआत भने अमेरिकी व्यवसायी तथा हलमार्क कार्ड्सका संस्थापक जोयस हलले गरेका थिए। उनले सन् १९३० मा अगस्ट २ मा मित्रता दिवस मनाउने प्रस्ताव अघि सारेका थिए। यद्यपि, उक्त अवधारणालाई ग्रीटिङ कार्डको व्यापार प्रवर्द्धनका लागि ल्याइएको भन्दै त्यसबेला आलोचनासमेत भएको थियो।

यसैबीच, सन् १९५८ को जुलाई ३० मा उरुग्वेमा पहिलोपटक औपचारिक रूपमा मित्रता दिवस मनाइएको थियो। वल्र्ड फ्रेन्डशिप क्रुसेड नामक संस्थाले यही मितिलाई मित्रता दिवसका रूपमा मनाउन प्रस्ताव गरेपछि यसले अन्तर्राष्ट्रिय मान्यता पाउने आधार तयार भएको मानिन्छ।

हाल विश्वभर यो दिवसले मित्रता, सहिष्णुता, शान्ति र सामाजिक एकतालाई प्रवर्द्धन गर्ने अवसरका रूपमा विशेष महत्व पाएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ श्रावण १४, ०९: ०७

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ श्रावण १४, ०९: ०७

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ श्रावण १४, ०९: ०७

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...