अमेरिकाको नयाँ भिसा नीति: नेपालीलाई बी–१/बी–२ भिसामा ३० लाख रुपैयाँसम्म धरौटी अनिवार्य – Naya Bikalpa
November 22, 2026, Sunday      Epaper

अमेरिकाको नयाँ भिसा नीति: नेपालीलाई बी–१/बी–२ भिसामा ३० लाख रुपैयाँसम्म धरौटी अनिवार्य

काठमाडौं । अमेरिकाले नेपालसहित ५० देशका नागरिकका लागि पर्यटक (बी–२) र व्यापारिक (बी–१) भिसामा धरौटी (भिसा बन्ड) राख्ने व्यवस्थालाई स्थायी रूपमा लागू गर्ने निर्णय गरेको छ।

नयाँ व्यवस्थाअनुसार नेपाली आवेदकले भिसा जारी हुनुअघि १० हजारदेखि २० हजार अमेरिकी डलरसम्म (करिब १५ देखि ३० लाख रुपैयाँ) धरौटी राख्नुपर्नेछ। यसअघि परीक्षणका रूपमा लागू गरिएको व्यवस्थामा ५ हजारदेखि १५ हजार अमेरिकी डलरसम्म धरौटी तोकिएको थियो।

अमेरिकी विदेश मन्त्रालयका अनुसार भिसा आवेदन अस्वीकृत भएमा वा भिसाको अवधि समाप्त हुनुअघि नियमअनुसार स्वदेश फर्किएमा धरौटी रकम पूर्ण रूपमा फिर्ता गरिनेछ।

मन्त्रालयले भिसाको अवधि सकिएपछि पनि गैरकानुनी रूपमा अमेरिकामा बस्ने (ओभरस्टे) प्रवृत्ति नियन्त्रण गर्ने उद्देश्यले यो व्यवस्थालाई स्थायी बनाइएको जनाएको छ।

यो नियम दक्षिण एसियाका नेपाल, बंगलादेश र भुटानसहित विश्वका ५० देशका बी–१ र बी–२ भिसा आवेदकहरूमा लागू हुनेछ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ श्रावण १७, ०६: ४३

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ श्रावण १७, ०६: ४३

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८३ श्रावण १७, ०६: ४३

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...