स्थानीय तह निर्वाचनका लागि रास्वपाको नयाँ कार्यविधि, उम्मेदवार छनोटमा प्रारम्भिक निर्वाचनलाई ४० प्रतिशत भार – Naya Bikalpa
November 22, 2026, Sunday      Epaper

स्थानीय तह निर्वाचनका लागि रास्वपाको नयाँ कार्यविधि, उम्मेदवार छनोटमा प्रारम्भिक निर्वाचनलाई ४० प्रतिशत भार

काठमाडौं : राष्ट्रिय स्वतन्त्र पार्टी (रास्वपा) ले आगामी स्थानीय तह निर्वाचनका लागि उम्मेदवार छनोटको नयाँ कार्यविधि सार्वजनिक गरेको छ।

पार्टीका अनुसार उम्मेदवार छनोट प्रक्रिया वैज्ञानिक, वस्तुपरक, पारदर्शी र सहभागितामूलक बनाउने उद्देश्यले कार्यविधि तयार गरिएको हो। रास्वपाले आफ्नो विधानमा व्यवस्था गरिएका लिडरसिप एकेडेमी, क्यान्डिडेट क्लब र प्रारम्भिक निर्वाचन (प्राइमरी) को अवधारणाअनुसार कार्यविधि लागू गर्न लागेको जनाएको छ।

रास्वपाबाट उम्मेदवार बन्न इच्छुक व्यक्तिले पार्टीको क्यान्डिडेट क्लब मा औपचारिक आवेदन दिनुपर्नेछ। आवेदन दिने व्यक्तिले कानुन तथा पार्टी विधानले तोकेका योग्यता र मापदण्ड पूरा गरेको हुनुपर्ने व्यवस्था गरिएको छ।

कार्यविधिअनुसार उम्मेदवार छनोटमा लिडरसिप एकेडेमीको मूल्यांकनलाई २५ प्रतिशत, पोलिटिकल प्रोक्सिमिटीलाई २५ प्रतिशत, समावेशितालाई १० प्रतिशत र प्रारम्भिक निर्वाचनलाई ४० प्रतिशत भार प्रदान गरिएको छ।

यस्तै, एउटै निर्वाचन चक्रभित्र प्रतिनिधिसभा सदस्यको उम्मेदवार छनोट प्रक्रियामा सहभागी भइसकेका व्यक्तिले स्थानीय तहको उम्मेदवार छनोट प्रक्रियामा सहभागी हुन नपाउने व्यवस्था गरिएको छ।

त्यसैगरी, स्थानीय तह निर्वाचनमा उम्मेदवार बनेर पराजित भएका व्यक्तिले सोही निर्वाचन चक्रभित्र हुने प्रदेशसभा सदस्य निर्वाचनको उम्मेदवार छनोट प्रक्रियामा सहभागी हुन नपाउने उल्लेख गरिएको छ। वडा तहको उम्मेदवार छनोट प्रक्रियामा सहभागी भएकाहरूले पनि सोही निर्वाचन चक्रभित्र प्रदेशसभा सदस्यको उम्मेदवार छनोट प्रक्रियामा भाग लिन नपाउने व्यवस्था कार्यविधिमा समावेश गरिएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ श्रावण २०, १८: ०२

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ श्रावण २०, १८: ०२

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ श्रावण २०, १८: ०२

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...