गिटी–बालुवा उत्खननसम्बन्धी कानुन समयअनुकूल संशोधन गर्न सांसद तामाङको माग – Naya Bikalpa
November 22, 2026, Sunday      Epaper

गिटी–बालुवा उत्खननसम्बन्धी कानुन समयअनुकूल संशोधन गर्न सांसद तामाङको माग

काठमाडौं । राष्ट्रिय स्वतन्त्र पार्टी (रास्वपा) की सांसद आशिका तामाङले नदीजन्य पदार्थ गिटी, बालुवा र ढुंगा उत्खनन तथा क्रसर उद्योग सञ्चालनसम्बन्धी कानुन समयअनुकूल संशोधन गर्न सरकारसँग माग गरेकी छन् ।

सोमबार बसेको प्रतिनिधिसभा बैठकमा बोल्दै सांसद तामाङले बर्खायाममा कानुनअनुसार नदी तथा खोलाबाट गिटी, बालुवा र ढुंगा उत्खननमा रोक लगाइए पनि अवैध उत्खनन तथा तस्करी नरोकिएको बताइन् ।

उनका अनुसार तस्करहरूले रातारात ठूलो परिमाणमा नदीजन्य पदार्थ अवैध रूपमा निकालेर राज्यलाई करसमेत नतिरी कारोबार गरिरहेका छन् । यस्तो समस्या आफ्नो जिल्ला धादिङसहित देशका अधिकांश नदी क्षेत्रमा जटिल बन्दै गएको उनले बताइन् ।

सांसद तामाङले समस्या उत्खननमा मात्र सीमित नभई नदीजन्य पदार्थ व्यवस्थापनसम्बन्धी कानुनी प्रक्रिया पनि जटिल रहेको बताइन् । ढुंगा, गिटी र बालुवा उत्खनन पूर्ण रूपमा रोक्ने पक्षमा आफू नरहेको स्पष्ट पार्दै उनले यसको व्यवस्थित र कानुनसम्मत उपयोग सुनिश्चित गर्नुपर्नेमा जोड दिइन् ।

उनले भनिन्, “ढुंगा, गिटी र बालुवा निकाल्न पाउनु हुँदैन भन्ने मेरो मनसाय होइन । तर यसको सही व्यवस्थापनमा कानुन बाधक बन्नु हुँदैन ।”

वातावरण संरक्षण र आर्थिक विकासबीच सन्तुलन कायम हुने गरी विद्यमान कानुनी व्यवस्था संशोधन गर्नुपर्ने उनको भनाइ छ ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ श्रावण २५, १४: ३४

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ श्रावण २५, १४: ३४

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ श्रावण २५, १४: ३४

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...