
काठमाडौं । गृहमन्त्री सुधन गुरुङले प्रहरी महानिरीक्षक (आईजी) दानबहादुर कार्कीमाथि लागेको आरोप पुष्टि नभएसम्म त्यसकै आधारमा निष्कर्ष निकाल्न नहुने बताएका छन्। उनले सांसदहरूलाई उजुरीकै भरमा न्यायाधीशको भूमिका निर्वाह नगर्नसमेत चेतावनी दिएका छन्।
कानुन समितिको बैठकमा बोल्दै गृहमन्त्री गुरुङले आरोप लाग्दैमा कुनै व्यक्तिको चरित्रहत्या गर्न नहुने बताए। उनले आईजी कार्कीसहित कर्मचारीहरू सरकारको नीति र स्पिरिटअनुसार काम गर्न खटिएको उल्लेख गरे।
“उजुरीको भरमा हामी न्यायाधीश बन्न मिल्दैन। आरोप जो–कोहीलाई लाग्यो भन्दैमा चरित्रहत्या गर्न पाइँदैन। यसमा गृह मन्त्रालयकै ध्यानाकर्षण भएको छ,” उनले भने।
गुरुङले आरोप लगाउन जोसुकैले सक्ने भए पनि त्यसलाई पुष्टि नगरी निष्कर्षमा पुग्न नहुने बताए। आईजी कार्कीमाथि उठेका विषय गम्भीर भएकाले आफूले सम्बन्धित निकायको ध्यानाकर्षण गराएको उनको भनाइ थियो।
“आईजीसहित कर्मचारी सरकारको स्पिरिटमा काम गर्न खट्नुभएको छ। आरोप लगाउन जोसुकैले लगाउन सके। तर पुष्टि नभएसम्म कारबाही गर्न हुँदैन,” उनले भने।
उनले आफूलाई समेत उक्त विषय गम्भीर लागेको भन्दै सम्बन्धित ठाउँमा कुरा राख्नुपर्ने अवस्था आएको बताएका छन्।
काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...