देउवाको उपस्थितिमा कांग्रेस संस्थापनइतर पक्षको राष्ट्रिय भेला सुरु – Naya Bikalpa
November 22, 2026, Sunday      Epaper

देउवाको उपस्थितिमा कांग्रेस संस्थापनइतर पक्षको राष्ट्रिय भेला सुरु

काठमाडौं । नेपाली कांग्रेसको संस्थापनइतर पक्षको राष्ट्रिय भेला काठमाडौंमा सुरु भएको छ । कांग्रेसका निवर्तमान सभापति शेरबहादुर देउवाले पानसमा बत्ती बालेर भेलाको उद्घाटन गरेसँगै कार्यक्रम औपचारिक रूपमा सुरु भएको हो ।

सुकेधारास्थित मिराकल पार्टी प्यालेसमा राष्ट्रिय भेला आयोजक समितिका संयोजक डा. शशांक कोइरालाको अध्यक्षतामा भेला जारी छ । भेलामा देउवा र कोइराला पक्षका नेता तथा कार्यकर्ताको बाक्लो उपस्थिति रहेको छ ।

प्रचार–प्रसार समितिका संयोजक मीन विश्वकर्माका अनुसार आज उद्घाटन सत्र हुने तथा भोलि र पर्सि बन्दसत्र सञ्चालन हुनेछ ।

बन्दसत्रमा कांग्रेसका पूर्वउपसभापति विमलेन्द्र निधिले राजनीतिक प्रस्ताव प्रस्तुत गर्नेछन् । पूर्वप्रवक्ता प्रकाशशरण महतले आर्थिक नीतिसम्बन्धी, पूर्वसहमहामन्त्री उमाकान्त चौधरीले संगठनसम्बन्धी प्रस्ताव प्रस्तुत गर्ने कार्यक्रम छ ।

त्यस्तै, समसामयिक राजनीतिक विषयसँग सम्बन्धित प्रस्ताव नेता एनपी साउद, विधान संशोधनसम्बन्धी प्रस्ताव नेता रमेश लेखक र प्रचार–प्रसारसम्बन्धी प्रस्ताव मीन विश्वकर्माले प्रस्तुत गर्ने बताइएको छ ।

निवर्तमान सभापति देउवा बिहीबार मात्रै काठमाडौं आइपुगेका हुन् । गत वर्ष भदौ २४ गते भएको जेनजी आन्दोलनका क्रममा गम्भीर घाइते भएपछि उनी उपचारका लागि सिंगापुर गएका थिए ।

सम्बन्धित समाचार

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ श्रावण २९, १५: ५०

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ श्रावण २९, १५: ५०

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
सुशासन र आर्थिक रूपान्तरणबाट मुलुकको समृद्धि सम्भव : अर्थमन्त्री वाग्ले
  • २०८३ श्रावण २९, १५: ५०

विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...