
नयाँ विकल्प,
काठमाडौं – नेपाली कांग्रेस केन्द्रीय कार्यसमितिको विहीबार बस्ने भनिएको बैठक फेरि सरेर शुक्रबारको लागि राखिएको छ ।
पार्टी सभापति शेरबहादुर देउवाको निवास बुढानिलकण्ठमा बुधबार दिउँसो भएको पदाधिकारी बैठकमा समेत शीर्ष नेताबीच बैठक एजेण्डाको विषयमा सहमति हुन नसकेपछि बैठक शुक्रबारसम्मको लागि राखिएको हो ।
पार्टी नेता रामचन्द्र पौडेलसहित २७ जना केन्द्रीय कार्यसमिति सदस्यले सभापति शेरबहादुर देउवाद्वारा गठन गरिएको २० विभाग विघटन गर्नु पर्ने लगायतका १६ बुँदे माग पुरा गर्न सभापति देउवा तयार नभएपछि बैठक फेरि सरेको हो ।
सभापति देउवाले गत असोज १९, कात्तिक २१ र २७ गते केन्द्रीय कार्यसमिति बैठक बोलाएका थिए । तर, २७ गते बस्ने भनिएको बैठक पनि शुक्रबारको लागि सारिएको छ ।
स्रोतका अनुसार सभापति देउवाले उपसभापति विमलेन्द्र निधी र कृष्णप्रसाद सिटौला आफ्ना सुरक्षाकर्मीमा कोरोना देखिएपछि कन्याक्ट ट्रेसिङमा परेका कारण र प्रवक्ता विश्वप्रकाश शर्मा संयुक्त राज्य अमेरिकामा रहेकाले बैठक स्थगित गरिएको हो ।
कांग्रेसका एक दर्जन बढी केन्द्रीय सदस्यहरुमा कोरोना संक्रमण देखिएपछि उनीहरु पनि केन्द्रीय कार्यसमिति बैठकमा उपस्थित हुने सम्भावना छैन ।
विराटनगर । अर्थमन्त्री स्वर्णिम वाग्लेले सुशासन र आर्थिक रूपान्तरणमार्फत मुलुकको समृद्धि हासिल गर्न सकिने बताएका छन् । विराटनगरमा आज आयोजित...
काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...